2017-10-20 08:47:26 clouds 27o High | Kigali Rwanda

Dukurikire:
 
 

Bukera Valery yanikiye abandi muri “Rwanda Mountain Gorilla Rally 2016”

Yanditswe na IMVAHO NSHYA

Kuya 2016-08-14 06:12:23

 
Share on:
 
Yasuwe:7
 
Yavuzweho:200
 
10
 
10

Bukera Valery 1h1’56, Rudy Cantanhede 1h2’28
Muna Singh 1h2’29, Hassan Alwi 1h5’55, Roshanali Mohamed 1h9’9

Bukera Valery afatanyije na Nital Khetia, bo mu Burundi batwaye imodoka ya Subaru Impreza nibo baza imbere muri shampiyona nyafurika mu gusiganwa ku mamodoka ya “Rwanda Mountain Gorilla Rally 2016”iri kubera mu Rwanda.

Bukera ari ku mwanya wa mbere nyuma y’umunsi wa kabiri w’iri siganwa rimaze gukinwa kuri kilometelo 123, 64 akoresheje isaha 1 umunota 1 n’amasegonda 56 mu gihe Rudy Cantanhede uri ku mwanya wa kabiri amaze gukoresha isaha 1iminota 2 n’amasegonda28.

JPEG - 245.1 kb
Umurundi Bukera (ibumoso)

Mu bakinnyi 7 bahagarariye u Rwanda, Gakwaya Jean Claude afatanije na Mugabo Jean Claude nibo baza hafi aho bari ku mwanya wa 6 bamaze gukoresha isaha 1 iminota 9 n’amasegonda 40.

Mu isiganwa ryabaye uyu munsi taliki 13 Kanama 2016 I Bugesera mu ntara y’ Iburasirazuba mu basiganwa 23 haje kuvamo abasiganwa 7 kubera ibibazo by’imodoka .

Rwanda Mountain Gorilla Rally izakomeza ku munsi w’ejo taliki 14 Kanama 2016 ari nabwo izasozwa aho bazasiganwa urugendo rwa Nyamata-Rilima(25.23 Km) bazakora inshuro ebyiri, Bwibikara-Ramiro(9.50Km) inshuro ebyiri, Bwibikara-Ramiro (9.50 Km),Umujyi wa Nyamata (4.53 Km) bazasoza bakora inshuro ebyiri.

Umukinnyi uzegukana iyi shampiyona nyafurika irimo gukinwa ku nshuro ya 5, azabona amanota 25 bimuheshe kuzamuka ku rutonde rw’amarushanwa y’amamodoka muri Afurika.

JPEG - 96 kb
Bukera Valery, ari gusuzumisha imodoka ye mbere yo gusiganwa
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE