2017-10-18 18:43:44 clouds 27o High | Kigali Rwanda

Dukurikire:
 
 

AFC Leopards yabonye usimbura Diarra wari wayiteranyije na Rayon Sports

Yanditswe na IMVAHO NSHYA

Kuya 2016-08-11 06:10:52

 
Share on:
 
Yasuwe:3
 
Yavuzweho:200
 
10
 
10

Ikipe ya AFC Leopards yo mu gihugu cya Kenya yarangije kugura rutahizamu wo gusimbura Ismaila Diarra, Umunyamali wari wabasinyiye amasezerano nyuma ntayerekezemo akigumira muri Rayon Sports.

Uwo ni Gilbert Fiamenyo, umunya Ghana w’imyaka 23 yasinye amasezerano y’imyaka ibiri muri iyi kipe bakunze kwita ’’ Ingwe’’ avuye mu ikipe y’iwabo ya Ebusua Dwarfs, akazagera muri Kenya kuri uyu wa Gatanu taliki 12 Kanama 2016 nk’uko bivugwa n’imbuga nkoranyambaga za ’’Facebook” na “Twitter’’ za AFC Leopards.

Ibitangazamakuru byo muri Ghana byo bitangaza ko uyu mukinnyi yaje muri AFC Leopards, nyuma y’ibibazo by’ubukungu byabarizwaga muri Ebusua Dwarfs yakiniraga bigatuma agenda adasoje amasezerano.

JPEG - 118.7 kb
Gilbert Fiamenyo ni we wasimbuye Diarra muri Ingwe FC

Aganira n’ibi bitangazamakuru, uyu mukinnyi yavuze ko ’’Igihe cyari kigeze kugira ngo ave iwabo ajye kugerageza amahirwe mu bindi bihugu, kandi akaba yarahisemo neza ajya muri shampiyona ya Kenya cyane ko igaragara kuri televiziyo igaragara mu bice byinshi by’Afurika “Supersport”.

Urubuga Futaa rwo ruvuga ko abayobozi ba AFC Leopards bafashe iki cyemezo nyuma yo kubona ko rutahizamu bari bifuje Ismaila Diarra w’umunyamali yahisemo kuguma muri Rayon Sports atitaye ku kuba yarabasinyiye imbanzirizamasezerano aho AFC Leopards yahise ijyana ikirego muri FIFA ariko bikaba bishobora kurangira iki kirego ntacyo gitanze.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE