2017-09-23 09:22:12 clouds 27o High | Kigali Rwanda

Dukurikire:
 
 

Minisitiri w’Ubufatanye mu Bukungu w’u Budage arasura u Rwanda

Yanditswe na IMVAHO NSHYA

Kuya 2016-08-10 08:31:48

 
Share on:
 
Yasuwe:0
 
Yavuzweho:200
 
10
 
10

Minisitiri w’Ubufatanye mu by’Ubukungu n’Iterambere w’u Budage, Gerd Müller , ategerejwe i Kigali uri uyu wa Gatatu mu ruzinduko rw’akazi rw’iminsi ibiri.

Biteganyijwe ko kugeza ku wa Gatanu, uyu muminisitiri azaba asura ibikorwa bijyanye na gahunda yo guteza imbere ubumenyingiro (TVET), imiyoborere myiza no kwegereza ubuyobozi abaturage.

Aherekejwe na Minisitiri w’Uburezi, Dr. Papias Malimba Musafiri, Müller azasura ishuri rikuru rya IPRC Kigali, mbere yo kuganira na Minisitiri w’Imari n’Igenamigambi, Amb. Claver Gatete.

JPEG - 187.9 kb
Dr. Gerd Müller

Nyuma bombi bazagirana ibiganiro n’itangazamakuru maze asure urwibutso rw’abazize Jenoside yakorewe Abatutsi mu 1994 ruri ku Gisozi mu karere ka Gasabo.

Igihugu cy’u Budage kibinyujije muri banki y’iterambere ya KfW kirateganya gutera inkunga Ikigo cy’Igihugu cy’Ubumenyingiro (WDA) kikagura imashini zigezweho z’agaciro k’amafaranga y’u Rwanda akabakaba miliyari eshanu.

Izo mashini zizashyirwa mu bigo bya TVET bitanu bifashe kuzamura ireme ry’uburezi. Minisitiri Muller araza mu Rwanda avuye muri Senegal na Niger.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE