2017-10-23 08:23:50 clouds 27o High | Kigali Rwanda

Dukurikire:
 
 

Kenya yegukanye amasiganwa y’amaguru mu mikino ya gisirikare

Yanditswe na IMVAHO NSHYA

Kuya 2016-08-10 06:23:26

 
Share on:
 
Yasuwe:8
 
Yavuzweho:200
 
10
 
10

Abakinnyi bakomoka muri Kenya begukanye imidali mu gusiganwa ku maguru “Cross Country” mu mikino ya gisirikare y’ibihugu bya Afurika y’Uburasirazuba.

Umunsi wa kabiri w’imikino ya gisirikare ihuza ibihugu byo mu muryango w’Afurika y’Iburasirazuba, Kenya ni yo yihariye imidali mu gusiganwa ku maguru “Cross Country” mu gusiganwa ibilometero 10 mu bagabo n’abagore.

Mu bagabo, Emanuel Kipsang ni we wegukanye umwanya wa mbere akoresheje iminota 27, amasegonda 15 n’ibice 68, yakurikiwe na Flankrin wakoresheje iminota 27, amasegonda 16 n’ibice 10 naho Stephen Arita na we wo muri Kenya aba uwa 3 akoresheje iminota 27, amasegonda 17 n’ibice 15.

JPEG - 204.6 kb
Abakinnyi bo muri Kenya mu bagabo n’abagore ubwo bari bamaze kwegukana imidali

Umunyarwnada waje hafi ni Nzirorera Joseph wabaye uwa 8 aho yakoresheje iminota 28 n’amasegonga 20.

Mu bagore, abanyakenya ni bo begukanye imidali aho uwitwa Sheila yegukanye umwanya wa mbere akoresheje iminota 31, amasegonda 17 n’ibice 18 yakurikiwe na Joyceline Chepkosgei wakoresheje iminota 31, amasegonda 17 n’ibice 98 naho uwa 3 aba Judy Chemutai wakoresheje iminota 31, amasegonda 31 n’ibice 38.

Umukinnyi w’u Rwanda waje hafi ni Iranzi Celine wabaye uwa 12 akaba yarakoresheje iminota 33, amasegonda 13 n’ibice 32.

Uyu munsi imikino irakomeza

Uyu munsi taliki 10 Kanama 2016, imikino irakomeza aho mu mupira w’amaguru Uganda iza gukina na Tanzania kuri Sitade ya Kigali i Nyamirambo (17h30).

Muri Basketball Uganda irakina na Kenya (15h30) naho u Rwanda rukine na Tanzania (1730), imikino irabera kuri Sitade Nto Amahoro i Remera.

Muri Handball, Uganda irakina na Kenya (08h00) naho u Rwanda rukine na Tanzania (10h30), imikino irabera kuri Sitade Amahoro.

Muri Netball Tanzania irakina na Uganda (14h00), u Rwanda rukine na Kenya (16h00), imikino irabera kuri Sitade Amahoro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE