2017-10-18 07:01:40 clouds 27o High | Kigali Rwanda

Dukurikire:
 
 

Amakipe y’u Rwanda azitabira FEASSA 2016 yamenyekanye

Yanditswe na IMVAHO NSHYA

Kuya 2016-08-09 08:40:09

 
Share on:
 
Yasuwe:49
 
Yavuzweho:200
 
10
 
10

Amakipe azahagararira u Rwanda mu mikino ihuza amashuri yisumbuye yo mu Muryango w’Ibihugu y’Afurika y’i Burasirazuba « FEASSA 2016 » ni 18 mu bahungu n’abakobwa mu mikino 5 itandukanye.

Iyi mikino ya FEASSSA igiye kuba ku nshuro yayo ya 16 izabera mu mujyi wa Eldoret muri Kenya kuva taliki 26 Kanama kugeza 03 Nzeri 2016. Umwaka ushize iyi mikino yabereye mu Rwanda mu karere ka Huye.

Mu mupira w’amaguru u Rwanda ruzahagararirwa na Hanika TSS (Nyanza) na College de Gisenyi (Rubavu) mu bahungu; ES Mutunda (Huye) na GS Remera-Rukoma (Kamonyi) mu bakobwa.

Muri Handball hari Hanika TSS (Nyanza) na APEGA Gahengeri (Rwamagana) mu bakobwa, ES Kigoma (Ruhango) na College de Gisenyi (Rubavu) mu bahungu.

JPEG - 62.1 kb
Mu mwaka ushize imikino ya FEASSA yabereye mu Rwanda

Muri Basketball hari College de Gisenyi (Rubavu) na LDK (Nyarugenge) mu bakobwa, Seminaire Baptiste (Huye) na APE Rugunga (Nyarugenge) mu bahungu.

Muri Volleyball ni St Aloys (Rwamagana) na GS Indangaburezi (Ruhango) mu bakobwa, Rusumo High School (Kirehe) na APAPEN (Kirehe) mu bahungu.

Muri Netball hazagenda GS Gahini (Kayonza) naho muri Rugby hagende E T Mukingi (Ruhango). Aya makipe yose azaserukira u Rwanda azahaguruka i Kigali taliki ya 24 Kanama 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE