2017-09-26 09:05:36 clouds 27o High | Kigali Rwanda

Dukurikire:
 
 

U Rwanda rwasubije Congo abasirikare bayo nayo irusubiza Abanyarwanda yashimuse

Yanditswe na IMVAHO NSHYA

Kuya 2016-08-02 15:25:25

 
Share on:
 
Yasuwe:21
 
Yavuzweho:200
 
10
 
10

Repubulika Iharanira Demokarasi ya Congo yasubijwe abasirikare batatu n’umusivili umwe bafatiwe ku butaka bw’u Rwanda, nayo itanga abasivili bane b’Abanyarwanda bashimuswe n’ingabo zayo.

Abo banyarwanda bane bose bo mu mudugudu wa Gateko, akagari ka Karambi, umurenge wa Rutsiro, babwiye Imvaho Nshya ko bashimutiwe ku ruhande rw’u Rwanda, bakajyanwa muri Congo aho bakorewe iyicarubozo, bagategekwa kwemera ko bafatiwe ku butaka bw’icyo gihugu.

Abashyikirijwe u Rwanda ni Barajiginywa Jean de Dieu, Gasore Dede na Muhimana Jean Claude bafashwe , ku wa 28 Kamena 2016 na Sanzirazose Fabrice wafashwe muri Mata.

Naho u Rwanda rwashyikirije Congo abasirikare batatu n’umusivili wari utwaye umwe muri bo. Ubuyobozi bw’igisirikare cy’u Rwanda buvuga ko hafashwe 1er Soldat Linzi Albert atwawe kuri moto n’umwana w’imyaka 15 witwa Kakure.

Bafashwe bamaze kwinjira mu Rwanda, bavuga ko bari bajyaniye imiti n’ibyo kurya Sous Lieutenant Pepe Waya .

Umwe mu bari bahagarariye u Rwanda mu gikorwa cyo guhererekanya abo basirikare, Lt. Col. James Abaine, yavuze ko kandi hari umusirikare wo mu ngabo za Repubulika Iharanira Demokarasi ya Congo (FARDC) Kaporali Mambo Vert wahungiye mu Rwanda aho yaje atorotse umuyobozi wabo ashinja kumwambura umushahara n’agahimbazamusyi.

PNG - 876.7 kb
Caporal Mambo Vert asobanurira Itsinda rya EJVM akarengane bafite mu gisirikare cyabo

Lt. Col. Abaine yasobanuye ko uwo musirikare yanze gusubira mu gihugu cye avuga ko yagezeyo bakamukubita bamushinja kumena amabanga y’igihugu none akaba atinya ko asubiyeyo bamwica.

Yongeyeho ko bamugaruye mu Rwanda, hakazaba ibindi biganiro, byo kwiga ku cyo yakorerwa. Kuva uyu mwaka watangira u Rwanda rumaze gusubiza Congo abasirikare babarirwa muri barindwi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE