2017-09-25 08:13:20 clouds 27o High | Kigali Rwanda

Dukurikire:
 
 

Burundi: Abanyeshuri bane b’Abanyarwanda batawe muri yombi

Yanditswe na IMVAHO NSHYA

Kuya 2016-08-02 09:16:50

 
Share on:
 
Yasuwe:2
 
Yavuzweho:200
 
10
 
10

Abasore bane b’Abanyarwanda biga mu Burundi batawe muri yombi ku wa Kabiri ku ya 26 Nyakanga 2016.

Abatawe muri yombi ni Protais Ndagijimana, Joseph Hitimana, Matthias Mbarushimana n’uwitwa Joachim.

Abatangabuhamya baganiriye na Radiyo RPA, bavuga ko abo batawe muri yombi n’urwego rw’ubutasi, SNR, rushaka gufata undi Munyarwanda utaramenyekana.

Bavuga ko abo banyeshuri bafashwe bagiye aho bataha muri karitsiye ya Rubuye. Bati” bahise burizwa mu modoka bajyanwa ahantu tutazi mu modoka ya SNR.

JPEG - 62.9 kb
Abaturage ba Ngozi bavuga ko bahiye ubwoba

Abari bahari kandi bemeza ko umuntu washakishwaga yari yamaze kumenya ko ari guhigwa akagaruka mu Rwanda.

Abasore bafashwe bakoraga muri resitora yitwa Goshen mu mujyi wa Ngozi mu gihe batabaga bari kwiga.

Abatuye uwo mujyi bavuga ko batewe impungenge n’iryo tabwa muri yombi, bati” Bazize ubwenegihugu bwabo!”

Bongeraho ko nyir’iyo resitora nawe w’Umunyarwanda yaterwaga ubwoba bamubwira ko resitora ye ishobora gufungwa.

Aba baturage kandi bafite ubwoba baterwa n’abantu batazi bakomeje kwiyongera mu mujyi wa Ngozi, bagakeka ko ari abakorera SNR baje kubaneka.

RPA ivuga ko polisi yo itangaza ko abo Banyarwanda bane bafashwe ngo bakorweho iperereza niba batari mu itsinda ry’abagamije guhungabanya umutekano.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE