2017-10-19 07:53:31 clouds 27o High | Kigali Rwanda

Dukurikire:
 
 

Somalia: Umwiyahuzi wahoze ari depite yishe abantu 13

Yanditswe na IMVAHO NSHYA

Kuya 2016-07-27 15:57:46

 
Share on:
 
Yasuwe:11
 
Yavuzweho:200
 
10
 
10

Uwahoze ari umudepite mu nteko ya Somalia wagiye mu mutwe wa al-Shabaab mu 2010 ni umwe mu biyahuzi babiri bahitanye abantu 13 hafi y’ibirindiro bya Loni na AU mu mujyi wa Mogadishu.

Mu gitondo cyo ku wa Kabiri nibwo imodoka itwawe n’abo biyahuzi yaturikiye hafi y’ikibuga cy’indege cya Mogadishu, abenshi mu bapfuye ni abashinzwe umutekano.

Salah Badbado w’imyaka 53 yabaye depite mu nteko y’icyo gihugu kuva mu 2004 kugeza mu 2010, icyo gihe yavugiye mu kiganiro n’abanyamakuru ko avuye muri politiki akajya muri al-Shabab.

Umutwe wa al-Shabab washyize ahagaragara itangazo rigira riti” Salah Nuh Ismail, wari uzwi nka Salah Badbado ari mu ntwari zagabye igitero ku birindiro bya gisirikare bya Halane. Yahoze ari depite ariko mu 2010 yihana ubuhakanyi.”

JPEG - 46.9 kb
Imodoka abo biyahuzi biturikirijemo

Uyu mutwe kandi wasohoye amajwi y’uyu mugabo mbere y’uko yiturikirizaho igisasu.

Yagize ati” Uyu murimo w’ubwiyahuzi wagenewe Allah, ni inshingano z’idini. Twahisemo gushimisha Allah tukababaza abakafiri kurusha uko bababaje igihugu cya Islam.”

Hashize imyaka itanu abarwanyi b’umutwe wa Al-Shabaab birukanwe mu murwa wa Mogadishu ariko baracyagaba ibitero ku ngabo no ku baturage.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE