2017-10-20 08:47:26 clouds 27o High | Kigali Rwanda

Dukurikire:
 
 

Basketball: Nubwo u Rwanda rwatsinzwe na Mali ruyoboye itsinda

Yanditswe na IMVAHO NSHYA

Kuya 2016-07-26 06:39:18

 
Share on:
 
Yasuwe:0
 
Yavuzweho:200
 
10
 
10

Ikipe y’u Rwanda mu batarengeje imyaka 18 ni yo iyoboye itsinda rya mbere mu mikino y’Afurika “FIBA Africa U-18 Championship 2016” irimo kubera mu Rwanda aho ifite amanota 5.

Iyi kipe y’u Rwanda yatsinze imikino ibiri ibanza mu itsinda, ariko mu mukino wa 3 itsindwa na Mali ku manota 61 kuri 40.

U Rwanda ruri mu itsinda A hamwe na Mali, Cote d’Ivoire, Gabon na Algeria. Mu itsinda hagomba kuzamuka amakipe ane azakina ¼ cy’iragiza.

Rufite amanota 5, rugakurikirwa na Algeria ifite amanota 4, Mali nayo ifite amanota 4, Cote d’Ivoire ifite 3 na Gabon ifite 2.

PNG - 1.1 Mb
Ikipe y’u Rwanda mu batarengeje imyaka 18 isigaje umukino umwe izakina na Algeria mu itsinda B

Imikino yo mu matsinda irakomeza uyu munsi

Uyu munsi taliki 26 Nyakanga 2016, imikino yo mu matsinda irakomeza aho Angola ikina na RDC (11h15), Benin igakina na Uganda (13h30) naho Misiri ikine na Tunizia (20h15) aya makipe akaba ari mu itsinda B naho mu itsinda A, Gabon irakina na Cote d’Ivoire (15h45) nyuma Algeria ikine na Mali (18h00). Iyi mikino yo ikaba ibera kuri Sitade Nto i Remera.

Ikipe y’u Rwanda iri buruhuke ikazakina umukino wa nyuma mu itsinda, ejo taliki 27 Nyakanga 2016 aho izakina na Algeria ari nabwo hazasozwa imikino yo mu matsinda.

U Rwanda rushobora guahura n’ikipe ya 3 mu itsinda B irimo RDC cyangwa Tunizia. Muri iri tsinda B, Misiri irayoboye n’amanota 6 inganya na Angola, Tunizia ifite amanota 5, RDC ifite amanota 4, Uganda na Benin zifite amanota 3.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE