2017-09-23 09:22:12 clouds 27o High | Kigali Rwanda

Dukurikire:
 
 

Ngororero: Umugore yiyahuye yimanitse mu giti akoresheje umwambaro w’imbere

Yanditswe na IMVAHO NSHYA

Kuya 2016-07-26 05:12:27

 
Share on:
 
Yasuwe:16
 
Yavuzweho:200
 
10
 
10

Murekatete Marie Jeanne w’imyaka 36 wari utuye mu murenge wa Matyazo, Akagari ka Rutare mu mudugudu wa Shori yasanzwe yapfuye nyuma yo kwiyahura yimanitse mu giti yifashishije isurijipe yari yambariyeho.

Nk’uko bitangazwa ku rubuga rw’Akarere ka Ngororero, Umuyobozi w’Umudugudu wa Shori Ndayambaje JMV, yavuze ko nyakwigendera yavuye mu rugo ahagana saa moya z’umugoroba wo kuwa kane tariki ya 21 Nyakanga aburirwa irengero.

Umugabo we Ntampaka Cleophas yatabaje abaturanyi barara bamushaka bamubona mu gitondo cy’umunsi ukurikiyeho wo kuwa gatanu ahagana saa mbili basanga ’anagana mu giti yambaye uko yavutse igice cyo hasi.’

Ntawe uzi neza icyo uyu mubyeyi w’abana 6 barimo n’uruhinja rw’amezi ane yaba yarazize kuko abayobozi n’abaturanyi bahamya ko nta kibazo yari afite iwe mu rugo ndetse n’uwo basahakanye yemeza ko bari babanye neza.

Gusa nk’uko byatangajwe n’Umuyobozi w’akagari ka Rutare ngo uyu nyakwigendera yaba yari afite ubumuga bwo mu mutwe akomora mu muryango wabo.

Umuyobozi w’Umudugudu nawe arabihamya ngo kuko musaza wa nyakwigendera na nyina ubabyara bari bafite ubu bumuga kimwe n’umuvandimwe mu muryango nawe waburiwe irengero kubera ubu bumuga bwo mu mutwe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE