2017-09-24 09:25:05 clouds 27o High | Kigali Rwanda

Dukurikire:
 
 

RDCongo: 6 bishwe batemwe abandi baratwikwa, harakekwa FDLR

Yanditswe na IMVAHO NSHYA

Kuya 2016-07-24 07:38:21

 
Share on:
 
Yasuwe:5
 
Yavuzweho:200
 
10
 
10

Ubuyobozi bwa Repubulika Iharanira Demokarasi ya Congo buvuga ko abantu batandatu bishwe mu gace ka Bwalanda mu ntara ya Kivu y’Amajyaruguru hafi y’umupaka n’u Rwanda, mu ijoro ryo ku wa Gatanu.

Umuyobozi muri iyo ntara, Alphone Mahano, yabwiye AFP ko abishwe ari abo mu moko atandukanye yo muri ako gace arimo Abahutu, Abahunde n’Abanande.

Ati” Batatu batemagujwe imipanga naho abandi batatu bicwa batwikiwe mu ngo zabo.”

Kuva mu ntangiriro za 2016, abantu benshi baguye mu bwicanyi bushyamiranyije ubwoko bw’Abanande n’ubw’Abahutu bivugwa ko bushyigikiwe n’umutwe wa FDLR urwanya Leta y’u Rwanda.

JPEG - 67.6 kb
Umutwe wa FDLR ushinjwa kwica Abanande ubatemaguye

Ku ya 19 Nyakanga nabwo abantu 10 bishwe na FDLR mu gace ka Kibirizi, inzu zabo ziratwikwa.

Umutwe wa FDLR ugizwe n’abasize bakoze Jenoside yakorewe Abatutsi mu 1994 ushinjwa ubugizi bwa nabi mu Burasirazuba bwa Congo aho umaze imyaka 22.

Ingabo z’icyo gihugu zatangaje ko zigiye kurandura uwo mutwe ziwugabaho ibitero simusiga ariko hashize umwaka urenga uyu mutwe ukidegembya.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE