2017-09-23 09:22:12 clouds 27o High | Kigali Rwanda

Dukurikire:
 
 

USA: Umugore wa Trump arashinjwa gukopera ijambo ry’uwa Obama

Yanditswe na IMVAHO NSHYA

Kuya 2016-07-19 09:02:32

 
Share on:
 
Yasuwe:2
 
Yavuzweho:200
 
10
 
10

Melania Trump umugore wa Donald Trump, wiyamamariza kuyobora USA, arashinjwa kwigana ijambo rya Michelle Obama.

Ijambo Melania yavugiye mu nama rusange y’ishyaka ry’aba-Republicans ku mugoroba wo ku wa Mbere, ryatumye benshi bemeza ko yasubiyemo ibyo Michelle Obama yavugiye mu nama rusange y’ishyaka ry’abademocrates mu 2008 ubwo Barack Obama yiyamamazaga.

Mu kiganiro na televiziyo NBC, Melania Trump yahamije ko ari we wiyandikiye iryo jambo ariko yemera ko hari abandi bamufashije.
Reba hano amajambo y’abo bagore babiri:

Abagize itsinda ryo kwamamaza Donald Trump bahise batangaza ko interuro zirimo zisa nk’izo mu ijambo rya Michelle Obama zaturutse ku makosa y’abanditse iryo jambo.

Jason Miller umujyanama ushinzwe itumanaho wa Trump, yagize ati” Mu kwandika ijambo rye ryiza, ikipe ya Melania yagendeye ku byo yimirije imbere mu buzima ndetse n’ibitekerezo bye.”

JPEG - 60.1 kb
Melania Trump n’umugabo we

Ibi ariko ntibyabujije abantu batandukanye kwandika ku mbuga nkoranyambaga banenga Donald Trump n’itsinda rye, kubura ubunyamwuga mu bikorwa byo kwiyamamaza.

Mu nama y’ishyaka ry’aba Republicans banenze Hillary Clinton uhanganye na Trump akaba yari n’Umunyamabanga wa Leta ku buyobozi bwa Barack Obama.

Bavuga ko yatumye USA icika integer mu maso y’intagondwa z’abayisilamu. Gusa bamwe mu badashyigikiye Trump bo mu ishyaka rye barimo abagore bambaye ubusa bikingirije indorerwamo babanje guteza akavuyo basaba ko atakwiyamamaza.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE