2017-09-26 09:05:36 clouds 27o High | Kigali Rwanda

Dukurikire:
 
 

U Bufaransa – Iterabwoba: Umugabo yishe 84 abagongesheje ikamyo

Yanditswe na IMVAHO NSHYA

Kuya 2016-07-15 06:16:23

 
Share on:
 
Yasuwe:2
 
Yavuzweho:200
 
10
 
10

Umugabo bikekwa ko akorana n’imitwe y’iterabwoba yagongesheje ikamyo abantu bari mu birori yicamo 84 ababarirwa mu magana barakomereka mu mujyi wa Nice mu Bufaransa mu ijoro ryo ku wa Kane.

Iyo kamyo yagonze abantu bari mu birori byo kwizihiza ifatwa rya gereza ya Bastille, uyitwaye ariko ayerekeza ku bashaka kwiruka nabo akayibagongesha .

Ibiro Ntaramakuru by’Abafaransa bivuga ko uwo mugabo yaje kuraswa amaze kugenda kirometero ebyiri agonga abantu.

JPEG - 84.7 kb
Polisi n’abaganga basuzuma icyo gikamyo cyagonze imbaga y’abantu

Ubuyobozi buvuga ko bwasanze uwo mwicanyi afite ubwenegihugu bw’u Bufaransa n’ubwa Tuniziya, ngo yari yitwaje imbunda nini cyane..

Perezida w’icyo gihugu, Francois Hollande yategetse ko hashyirwaho abapolisi n’abasirikare bashya kuko abasanzweho bamaze kunanirwa cyane ko bamaze amezi umunani bahanganye n’imitwe y’iterabwoba.

Muri iyi myaka mike ishize u uBufaransa bwibasiwe n’umutwe w’iterabwoba wa Leta ya Kiyisilamu, haherukaga igitero cyaguyemo abantu 130 mu mujyi wa Paris, cyaje gikurikiye ubwicanyi bwakorewe Abanyamakuru ba Charlie Hebdo.

Hollande ati” U Bufaransa bwashavujwe n’ubu bwicanyi, hari abana benshi babigendeyemo, nta gushidikanya ko ari igitero cy’iterabwoba.”

On

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE