2017-10-20 08:47:26 clouds 27o High | Kigali Rwanda

Dukurikire:
 
 

USA: Umufasha wa Bishop Rwaje, ukuriye Abangilikani mu Rwanda, yakijijwe kanseri

Yanditswe na IMVAHO NSHYA

Kuya 2016-07-14 06:49:53

 
Share on:
 
Yasuwe:22
 
Yavuzweho:200
 
10
 
10

Josephine Rwaje, umufasha wa Onesphore Rwaje, Arkiyepiskopi w’Itorero ry’Abangilikani mu Rwanda, yabagiwe kanseri y’amara muri Leta Zunze Ubumwe za Amerika, arakira, muri iki cyumweru we n’umugabo we bagarutse mu Rwanda.

Josephine yabagiwe mu bitaro bya Lewis Gale mu ntangiriro z’uku kwezi. Arashimira abaganga bamuvuye n’umupasiteri wo muri gace ka Salem muri Leta ya Virginia, Rev. Quigg Lawrence witanze cyane kugira ngo avurwe.

Ati” Ndabashimiye mbikuye ku mutima kandi Imana ibahe imigisha myinshi.”

PNG - 843.5 kb
Rwaje n’umufasha we nyuma yo kuvurwa kanseri

Naho umugabo we Bishop Onesphore Rwaje yagize ati” Mu ijambo rimwe nshimiye buri wese witanze ngo umugore wanjye avurwe.”

Rev. Quigg wagize uruhare rukomeye kugira ngo Josephine Rwaje avurirwe muri USA yagize ati” Kuba nagaruye ikizere ko agiye gukomeza ubutumwa bwe, akaba agiye gukomeza kuba nyirakuru n’umufasha w’icyitegererezo ni ikintu gikomeye kuri njye.”

Josephine na Onesphore Rwaje bafitanye abana batanu. Rwaje yabaye umushumba wa mbere wa diyosezi y’Abangilikani ya Byumba mu 1991.

Mu 1995 yabaye Umukuru w’Intara y’u Rwanda y’iryo torero, naho mu 2010 agirwa Arkiyepikopi waryo mu Rwanda n’umushumba wa diyosezi ya Gasabo.

Yimitswe ku ya 13 Mutarama 2011 mu muhango witabiriwe na Perezida Paul Kagame.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE