2017-10-22 09:16:35 clouds 27o High | Kigali Rwanda

Dukurikire:
 
 

Burundi: Umudepite mu nteko y’akarere (EALA) yishwe arashwe

Yanditswe na IMVAHO NSHYA

Kuya 2016-07-13 11:12:53

 
Share on:
 
Yasuwe:10
 
Yavuzweho:200
 
10
 
10

Abantu bitwaje intwaro bataramenyekana bishe umwe mu bari bahagarariye u Burundi mu nteko y’Umuryango wa Afurika y’Uburasirazuba, EALA, mu gitondo cyo kuri uyu wa Gatatu.

Umuvugizi wa Polisi y’u Burundi, Pierre Nkurikiye yavuze ko depite Hafsa Mossi yarasiwe muri komini ya Mutanga mu mujyi wa Bujumbura ahagana mu ma saa yine n’igice.

Umwe mu batuye muri ako gace, Achel Majabuka, yabwiye Bloomberg ko yumvise urusaku rw’amasasu akaboa abagabo babiri binjira mu modoka ikagenda yiruka.

JPEG - 44.3 kb
Depite Hafsa Mossi yigeze gusura inkambi y’impunzi z’Abarundi i Mahama mu Rwanda asuka amarira kubera ubuzima zibayemo

U Burundi buri mu mvururu za politiki zimaze kugwamo ababarirwa muri 500 naho abasaga 250 bamaze guhunga kuva Perezida Nkurunziza yatangaza ko aziyamamariza manda ya gatatu muri Mata 2015.

Hafsa Mosi yigeze kuba Minisitiri Ushinzwe Umuryango w’Ibihugu bya Afurika y’Uburasirazuba, yanakoreye ishami ry’igiswayire rya BBC.

Kuri ubu yari umudepite mu nteko ihuriwemo n’u Rwanda Kenya, Uganda, Tanzania, u Burundi na Sudani y’Epfo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE