2017-10-19 07:53:31 clouds 27o High | Kigali Rwanda

Dukurikire:
 
 

Sudani y’Epfo: Loni igiye guha ingabo zayo intwaro zikarishye

Yanditswe na IMVAHO NSHYA

Kuya 2016-07-13 09:11:35

 
Share on:
 
Yasuwe:1
 
Yavuzweho:200
 
10
 
10

Umunyamabanga Mukuru wa Loni, Ban Ki Moon yategetse ko ingabo ziri mu butumwa bw’amahoro muri Sudani y’Epfo (UNMISS) zihabwa intwaro zikomeye zigahangana n’ingabo za Salva Kiir na Riek Machar mu gihe bibaye ngombwa.

Ni nyuma y’uko abasirikare babiri baguye mu mirwano abandi barimo n’Abanyarwanda babiri bagakomereka. Itangazo Loni yashyize ahagaragara ku wa kabiri rivuga ko hakenewe za kajugujugu n’izindi ntwaro zikomeye.

Riti” Dukeneye byihutirwa indege za kajugujugu n’ibindi bikoresho kugira ngo twuzuze inshingano zacu zo kurinda abaturage.”

JPEG - 81.9 kb
Loni igiye guha ingabo zayo za kajugujugu nyinshi

Ban Ki-Moon yasabye ko Sudani y’Epfo ishyirirwaho akato ko kudahabwa intwaro, ndetse n’abayobozi b’ingabo zihanganye bagashyirirwaho ibihano. Yanasabye ingabo zigize UNMISS guhagarara gitwari, zikarwana mu gihe zitewe.

Imirwano yasubiye muri Sudani y’Epfo ku wa Kane w’icyumweru gishize hagati y’ingabo za Perezida Salva Kiir na Visi-Perezida Riek Machar.

Yakajije umurego ku wa Gatanu ku ngoro ya Perezida ubwo abarinzi b’abo bayobozi bombi batangiye kurasana. Haguye 272, icyo gihe Kiir na Machar bari mu nama yo guhagarika imirwano.

Ku cyumweru icyari imirwano cyahindutse intambara, bigera ku birindiro by’ingabo za Loni n’ikibuga mpuzamahanga.

Ku wa mbere, Salva Kiir na Machar batangaje agahenge bategeka ingabo zabo gusubira mu birindiro.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE