2017-09-25 08:13:20 clouds 27o High | Kigali Rwanda

Dukurikire:
 
 

Perezida Kagame yafunguye ku mugaragaro Kigali Convention Center

Yanditswe na IMVAHO NSHYA

Kuya 2016-07-08 14:15:40

 
Share on:
 
Yasuwe:15
 
Yavuzweho:200
 
10
 
10

Perezida Paul Kagame yafunguye ku mugaragaro Kigali Convention Center kuri uyu wa 8 Nyakanga 2016, avuga ko ari ikimenyetso cy’uko icyo Abanyarwanda biyemeje bakigeraho nta kabuza.

Umukuru w’igihugu yavuze ko Kigali Convention Center (KCC) yubatswe ku bufatanye bw’Abanyarwanda n’abafatanyabikorwa babo, aboneraho kubashimira.

Yibukije ko inyubako zigize KCC zifitiye igihugu akamaro kanini kuko zizasigasira umuco cyari gisanganwe wo kwakira abashyitsi neza.

Ati” Abanyarwanda tugerageza kenshi bikarangira icyo dushaka tukigezeho. Izi nyubako zubakishije ibikoresho bigezweho ariko zubatse mu buryo bwa Kinyarwanda. zizafasha mu kwakira abashyitsi bacu neza nk’uko bisanzwe”.

Yibukije ko Kigali Convention Center ari yo izakira inama y’Umuryango w’Ubumwe bwa Afurika izaba kuva ku ya 10 kugeza 18 Nyakanga 2016, ashimira uwo muryango kuba waremeye ko iyo nama itegurirwa mu Rwanda.

Kigali Convention Center yubatse kuri metero kare ibihumbi 32, yatangiye kubakwa mu 2009, ariko ubushobozi buke butuma itinda kuzura.

Igizwe na Hoteli y’inyenyeri eshanu ifite ibyumba 292, icyumba cy’inama cyakira abantu basaga 2500, ibiro n’ikindi cyumba gifatwa nk’ububiko ariko cyakorerwamo inama y’abantu 5000, n’ibindi byose bifite agaciro ka miliyoni 300 z’amadorali (223 000 000 000frws)


atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE