2017-10-17 06:58:11 clouds 27o High | Kigali Rwanda

Dukurikire:
 
 

Nyuma y’imyaka 26, u Bwongereza bugiye kongera kugira Minisitiri w’Intebe w’umugore

Yanditswe na IMVAHO NSHYA

Kuya 2016-07-08 08:30:09

 
Share on:
 
Yasuwe:1
 
Yavuzweho:200
 
10
 
10

U Bwongereza bugiye kongera kuyoborwa na Minisitiri w’Intebe w’Umugore nyuma ya Margaret Thatcher wayoboye iki gihugu kuva mu 1979 kugeza mu 1990.

Ni nyuma y’uko abagore babiri Theresa May na Andrea Leadsom ari bo batorewe guhatanira uwo mwanya w’uzayobora icyo gihugu cyamaze kwiyomora ku muryango w’Ubumwe bw’Ibihugu by’u Burayi (EU).

Theresa May yatowe n’abadepite 199 muri 329 bo mu ishyaka ry’aba Conservative ari naryo riri ku butegetsi mu Bwongereza, naho Leadsom bahanganye yatowe ku majwi 84.

JPEG - 83.4 kb
Andrea Leadsom (Ibumoso) na Theresa May (Iburyo) barahatanira kuyobora u Bwongereza

Minisitiri w’Intebe mushya azatangazwa ku ya 9 Nzeli 2016, ahite atangira guhangana n’ingaruka zatewe no kuba u Bwongereza bwarivanye mu muryango wa EU bwari bumazemo imyaka 43 (Brexit).

AFP ivuga ko nubwo May, ufite ubunararibonye muri politiki, ari we watowe ku majwi menshi n’abadepite, Minisitiri w’Intebe uzasimbura David Cameron, azemezwa mu matora y’abarwanashyaka 150 000 b’aba Conservative.

Aba bagore babiri bose basezeranya abaturage b’u Bwongereza ko bazashobora guteza imbere igihugu cyabo nubwo hari impungenge z’igabanuka ry’ubukungu nyuma ya Brexit.

JPEG - 31.9 kb
Margaret Thatcher, umugore waherukaga kuyobora u Bwongereza yapfuye mu 2013
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE