2017-10-19 07:53:31 clouds 27o High | Kigali Rwanda

Dukurikire:
 
 

Dady Birori wafatiwe ibihano azagaruka mu kibuga muri Nzeli 2016

Yanditswe na IMVAHO NSHYA

Kuya 2016-07-01 11:54:11

 
Share on:
 
Yasuwe:4
 
Yavuzweho:200
 
10
 
10

Taddy Agiti Etekiama benshi bazi nka Birori Dady wari umaze imyaka ibiri mu bihano by’ishyirahamwe ry’umupira w’amaguru muri Afurika "CAF" azagaruka mu kibuga taliki 18 Nzeli 2016.

Agiti Taddy yari yahagaritswe imyaka ibiri na CAF azira gukoresha ibyangombwa bibiri bitandukanye mu marushanwa yayo akina nka Dady Birori mu ikipe y’igihugu Amavubi na Agiti Taddy Etekiama mu mukino y’Afurika ya CAF Champions League mu ikipe ye ya AS Vita Club.

Ishyirahamwe ry’umupira w’amaguru muri Congo Brazaville ryareze u Rwanda muri CAF ku gukinisha umukinnyi ufite ibyangombwa bitandukanye binatuma Amavubi asezererwa mu gushaka itike ya CAN 2015 aho yari agiye kujya mu matsinda nyuma yo gutsinda Congo Brazaville.

JPEG - 163.3 kb
Dady Birori

Nyuma y’imyaka ibiri bibaye ikipe ye ya AS Vita Club yandikiye Ishyirahamwe ry’umupira w’amaguru muri RDC “FECOFA” ibaza niba yemerewe gukoresha uyu mukinnyi mu mwaka w’imikino 2016/2017 uzatangira muri Nzeli 2016.

Urubuga rwa interineti “Irisfootball.com” rwo muri RDC ruvuga ko FECOFA yahaye uburenganzira AS Vita Club bwo gutangira gukinisha uyu rutahizamu.

Uru rubuga rwagaragaje ko iki cyemezo cyashimishije abakunzi b’iyi kipe bakundaga imikinire y’uyu musore kandi bari barahaye izina ry’akabyiniriro rya "Etuta Ekota” kubera kubatsindira ibitego mu buryo bushimishije. Taddy yakiniye amakipe yo mu Rwanda arimo Mukura, ATRACO FC na Kiyovu.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE