2017-09-24 09:25:05 clouds 27o High | Kigali Rwanda

Dukurikire:
 
 

U Bwongereza bwikuye muri EU, Minisitiri w’Intebe asabwa kwegura (Amafoto)

Yanditswe na IMVAHO NSHYA

Kuya 2016-06-24 06:19:34

 
Share on:
 
Yasuwe:2
 
Yavuzweho:200
 
10
 
10

Abaturage b’ibihugu bigize ubwami bw’u Bwongereza batoye kamarampaka, bemeza ko igihugu cyabo kiva mu muryango w’ibihugu by’Ubumwe bw’u Burayi (European Union, EU) ku wa Kane ku ya 23 Kamena 2016.

Iyi kamarampaka y’amateka izwi ku izina rya Brexit izanye impinduka zikomeye kuri EU no muri politiki mpuzamahanga. Abasesenguzi banemeza ko ishobora kugira ingaruka zikomeye ku bukungu bw’Isi.

Nibwo abaturage b’u Bwongereza bitabiriye amatora ari benshi kuva mu 1992, abatoye basaga miliyoni 30. Muri bo 52% batoye kuva muri EU naho 48% batora kuyigumamo.

Abakomeye ku Isi benshi barimo na Minisitiri w’Intebe w’u Bwongereza, David Cameron barwanyije ko iki gihugu kiva muri EU ariko birangiye batsinzwe.

JPEG - 131.9 kb
Abaturage benshi bishimiye ukuva k’u Bwongereza muri EU

Abanyapolitiki benshi bo mu Bwongereza bahise basaba Cameron guhita yegura ndetse akanava muri politiki.

Nyuma gato y’amatora, ifaranga rikoreshwa muri icyo gihugu, Pound, ryahise rita agaciro ka 3% ku idolari na 6.5% kuri Euro.

Ishyaka rya mbere ryihishe inyuma y’ukuva k’u Bwongereza muri EU ni UKIP (United Kingdom Independence Party). Umuyobozi waryo Nigel Farage umaze imyaka 20 asaba ko iki gihugu gisezerera EU, yavuze ko u Bwongereza "bubonye ubwigenge."

Ati" Iyi ni intsinzi ku baturage basanzwe, ku baturage biyubashye. Itariki ya 23 Kamena 2016 izandikwa mu mateka nk’iy’ubwigenge bwacu."

JPEG - 153.5 kb
Abishimiye ko u Bwongereza buva muri EU ntibatanzwe ku gatama
JPEG - 142.3 kb
Abashakaga ko igihugu cyabo kiguma muri Eu mu gahinda kenshi
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE