2017-10-22 09:16:35 clouds 27o High | Kigali Rwanda

Dukurikire:
 
 

Perezida Kagame yahembewe udushya mu buhinzi

Yanditswe na IMVAHO NSHYA

Kuya 2016-06-13 13:18:38

 
Share on:
 
Yasuwe:13
 
Yavuzweho:200
 
10
 
10

Abagize ihuriro nyafurika rishinzwe guteza imbere ubushakashatsi mu by’ubuhinzi , FARA “Forum for Agricultural Reseachers in Africa’’ bageneye igihembo Perezida wa Repuburika y’u Rwanda Kagame Paul kubera politike nziza u Rwanda rwashyize mu gushyigikira no guteza imbere ubuhinzi hifashishijwe ubushakashatsi n’ ikoranabuhanga.

Minisitiri w ‘Intebe yashyikirijwe icyo gihembo i Kigali, aho yari ahagarariye umukuru w’igihugu mu gikorwa cyo gutangiza inama mpuzamahanga ihuje abashakashatsi baturutse mu bihugu bisaga 15 byo ku mugabane w’Afurika.

Mu gihe cy’iminsi 5 barungurana ibitekerezo ku ngamba, n’ibyagezweho mu guteza imbere ubuhinzi butunze umubare munini w’abaturage muri Afurika bugatanga akazi ku babariwa kuri 65%.

Minisitiri w’intebe Murekezi yagaragaje intambwe u Rwanda rumaze gutera mu guteza imbere ubuhinzi binyuze mu guhanga udushya, bushakashatsi n’ikorabuhanga.

Ati “Ikoranabuhanga muri gahunda yo kuhira imyaka,no kuyisarura hifashishijwe imashini ryateje imbere ubuhinzi, u Rwanda ruri ku isonga mu kwiteza imbere muri urwo rwego, cyane ko rwaje ku mwanya wambere mu bihugu bya Afurika byasinye amasezerano ya CADDP, agamije gushyigikira ubuhinzi, rero nta bitangaza bibamo, bisaba gusa kwitanga’’.

Minisitiri w’Ubuhinzi Dr Mukeshimana Geraldine, asanga ubuhinzi buza kumwanya wa 3 mu guteza imbere ubukungu, yibutsa ko ubuhinzi n’ubworozi mu Rwanda bwafashije kuvana mu bukene abasaga miriyoni,

Yagaragaje ko kugeza ubu ubuhinzi ari urwego rutanga akazi ku baturage bagera kuri 70%.

Perezida wa banki nyafurika itsura amajyambere, Akinwumi Adesina yasabye ibihugu bya Afurika gushyigikira abahinzi bo mu bihugu byabo mu buryo bushoboka bwose bagahabwa ijambo, nawe yizeza ko Banki nyafurika yemeye kunganira ibihugu bituye umugabane ikabiha miriyari zisaga 24 zo kuzamura uru rwego.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE