2017-10-20 08:47:26 clouds 27o High | Kigali Rwanda

Dukurikire:
 
 

Nigeria: Perezida Buhari arwaye ugutwi

Yanditswe na IMVAHO NSHYA

Kuya 2016-06-06 08:23:43

 
Share on:
 
Yasuwe:2
 
Yavuzweho:200
 
10
 
10

Perezida wa Nigeria Muhammadu Buhari arwaye indwara ifata mu gutwi kuva mu cyumweru gishize, byatumye ajya kuruhukira mu Bwongereza.

Ibiro Ntaramakuru by’Abongereza, Reuters byatangaje ko yafashwe n’uburwayi bwitwa Meniere mu gutwi kw’ibumoso, bikaba byaratumye mu cyumweru gishize cyose adakora akazi.

Ubwo burwayi butuma Perezida Buhari atumva neza, agataka cyane ko ababara umutwe kandi akumva amajwi adasanzwe mu gutwi.

JPEG - 32.4 kb
Perezida wa Nigeria Muhammadu Buhari

Byatumye Buhari ahagarika ingendo eshatu mu gihugu no hanze yacyo agahagararirwa na Visi-perezida Yemi Osinbanjo.

Muri izo ngendo harimo inama y’abakuru b’igihugu byo muri Afurika y’Uburengerazuba (ECOWAS) yabereye i Dakar muri Senegal mu mpera z’icyumweru.

Itangazo ryavuye mu biro bya Buhari ku cyumweru rivuga ko hashize ibyumweru bibiri iyo ndwara yaramuzengereje. Risobanura ko yafashe ikiruhuko cy’iminsi 10 mu Bwongereza kuri uyu wa Mbere.

Riti” perezida yakorewe isuzuma n’umuganga we mu mujyi wa Abuja ariko we n’abandi baganga basanga ari ngombwa ko ajya kuruhuka.”

Perezida Buhari yatangiye kuyobora Nigeria mu 2015 yiyemeza guhangana na ruswa n’umutwe wa Boko Haram.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE