2017-10-18 18:43:44 clouds 27o High | Kigali Rwanda

Dukurikire:
 
 

U Budage: Havumbuwe urukingo rushobora guca burundu kanseri ku Isi

Yanditswe na IMVAHO NSHYA

Kuya 2016-06-03 10:01:17

 
Share on:
 
Yasuwe:2
 
Yavuzweho:200
 
10
 
10

Abashakashatsi bo mu Budage batangaje ko bageze kure bavumbura urukingo ruzashobora gukingira abatuye Isi ubwoko bwose bw’indwara ya kanseri.

Urwo rukingo ruri gukorwa n’impuguke ziyobowe na Prof. Ugur Sahin wo muri Kaminuza ya Johannes Gutenberg mu Budage, ruhita rusenya uturemangingo twa kanseri tuje mu mubiri .

Ikinyamakuru Nature kivuga ko igeragezwa ryakozwe ku mbeba ryatanze umusaruro, kuri ubu uru rukingo rukaba rwageragejwe ku bantu batatu bazahajwe na kanseri.

Umwe mu baruhawe yari afite ikibyimba kirimo kanseri gihita kugabanuka bikomeye agihabwa urukingo. Naho undi wari warabazwe kanseri ariko ntakire yamaze amezi arindwi ahabwa urukingo arakira burundu.

Umurwayi wa gatatu yari afite ibibyimba umunani, arwaye kanseri y’uruhu n’iy’ibihaha. Amaze guhabwa urukingo, yagaruye agatege.

Uru rukingo rukoze nk’abasirikare, batera kanseri bakayishwanyaguza igihe cyose itangiye kwigaragaza mu turemangingo mu mubiri wa muntu.

Nubwo kuri ubu kanseri zimwe nk’iz’amabya, zivugwa rimwe na rimwe zigakira burundu, kanseri y’ibihaha, n’izo mu bwonko ziracyagoranye kuvurwa kndi kwita ku barwayi bazo bitwara akayabo.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE