2017-09-20 12:30:19 clouds 27o High | Kigali Rwanda

Dukurikire:
 
 

Minisitiri w’Ububanyi n’Amahanga wa Turukiya yasuye u Rwanda

Yanditswe na IMVAHO NSHYA

Kuya 2016-05-31 05:52:51

 
Share on:
 
Yasuwe:2
 
Yavuzweho:200
 
10
 
10

Minisitiri w’Ububanyi n’Amahanga wa Turukiya yagiriye uruzinduko mu Rwanda ahura na mugenzi we Louise Mushikiwabo, bashyira umukono ku masezerano y’ubufatanye kuri uyu wa 31 Gicurasi 2016 .

Çavuşoğlu yaje mu Rwanda avuye muri Libya mu biganiro no kwemeza guverinoma nshya y’icyo gihugu kiri mu mvururu zidashira kuva Muammar Kadhafi yakwicwa.

Amasezerano yashyizweho umukono ni ayo gukuriraho viza abafite pasiporo y’abadipolomate.

Mu 2012, u Rwanda na Turukiya byasinye amasezerano yo kunoza ubutwererane n’umubano. Ibi bihugu bifite ubufatanye mu nzego zitandukanye zirimo uburezi aho Abanyarwanda benshi boroherezwa kwiga muri kaminuza za Turukiya.

Mu rwego rw’ubucuruzi, Urugaga rw’abikorera mu Rwanda rwashyize umukono ku masezerano y’ubufatanye n’ikigo cy’ubucuruzi mpuzamahanga cya Turukiya, hashyirwaho urwego rworoshya ubucuruzi ku mpande zombi ‘Rwanda-Turkish Business Council”.

Ikigo cy’Igihugu cy’Iterambere ,RDB, kivuga ko mu Rwanda hamaze kwiyandikisha ibigo 20 byo muri Turukiya bifite igishoro cya Miliyoni 400 z’amadorali.

Muri 2014, u Rwanda rwatumije muri Turukiya ibicuruzwa by’amafaranga asaga miliyoni 21 z’amadorali mu gihe Turukiya yatumije mu Rwanda iby’amafaranga asaga miliyoni 8, 5 z’amadorali.

Turukiya ni igihugu gifite ubuso bwa 783,562 km2 n’abaturage basaga miliyoni 74, giherereye mu gace kari hagati y’umugabane wa Aziya n’u Burayi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE