2017-10-23 08:23:50 clouds 27o High | Kigali Rwanda

Dukurikire:
 
 

Arsenal ni yo yinjije amafaranga menshi muri shampiyona y’u Bwongereza

Yanditswe na IMVAHO NSHYA

Kuya 2016-05-26 09:15:13

 
Share on:
 
Yasuwe:22
 
Yavuzweho:200
 
10
 
10

Nyuma yo kurangiza ku mwanya wa kabiri muri shampiyona y’u Bwongereza ikipe ya Arsenal ni yo yahawe amafaranga menshi n’amateleviziyo ndetse n’ibigo bitera inkunga iyi shampiyona.

Sky Sports ivuga ko iyi kipe yinjije miliyoni zisaga 100 z’amapawundi mu gihe ikipe ya Manhester City iri ku mwanya wa kabiri na miliyoni 97, Tottenham ku mwanya wa gatatu na miliyoni 95 mu gihe Manchester United iri ku mwanya wa 4 na miliyoni 96,4.

JPEG - 101.4 kb
Ikipe ya Arsenal nubwo nta gikombe na kimwe yatwaye ni yo yinjije amafaranga menshi mu mwaka wa shampiyona 2015-2016 mu Bwongereza

N’ubwo ikipe ya Leicester ariyo yatwaye igikombe cya shampiyona iri ku mwanya wa gatanu aho ifite miliyoni 93 z’amapawundi.

Uko amafaranga yabazwe

Ikipe ya Leicester City yahawe miliyoni 25 z’amapawundi kubera ko yatwaye igikombe cya shampiyona ikurikirwa na Arsenal ya 2 na miliyoni 23,6. Tottenham ya gatatu yahawe miliyoni 22,4.

Buri kipe yo muri “Premier League” yahawe miliyoni 21 n’ibitangazamakuru byo mu Bwongereza hanyuma ibindi bitangazamakuru byo hirya no hino ku isi biha buri kipe miliyoni 29. Ibigo by’ubucuruzi bicuruza muri “Premier League” byatanze miliyoni zisaga 4 kuri buri kipe.

Aho ikipe ya Arsenal yarushirije andi makipe ni uko ariyo yasoje iyoboye izindi mu kugira imikino myinshi yanyuze ku mateleviziyo irimo kuba (imikino 27). Umukino umwe wishyurwa ibihumbi 800 by’amapawundi. Ikipe ya Arsenal ni yo yahawe amafaranga menshi yo kuyifasha gutegura imikino ya shampiyona kurusha andi makipe yo mu Bwongereza miliyoni 21 z’amapawundi mu gihe Leicester yahawe miliyoni 12,5.

Umwaka utaha aya mafaranga ashobora kwiyongera kubera amateleviziyo yongereye amafaranga ku buryo iyi kipe iramutse yongeye kugera ku byo yagezeho uyu mwaka izinjiza miliyoni hafi 150.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE