2017-10-18 18:43:44 clouds 27o High | Kigali Rwanda

Dukurikire:
 
 

U Rwanda ruzasurwa n’itsinda rya Loni riri guperereza ku Burundi

Yanditswe na IMVAHO NSHYA

Kuya 2016-05-26 06:04:26

 
Share on:
 
Yasuwe:2
 
Yavuzweho:200
 
10
 
10

Umuryango w’Abibumbye (Loni) ku wa Gatatu wohereje Itsinda Ryigenga ryo Guperereza ku Burenganzira bwa Muntu mu Burundi, unatangaza ko akazi kazo kazatuma zigera no mu Rwanda.

Iryo tsinda rigizwe n’impuguke mu burenganzira bwa muntu zishinzwe kugenzura ubugizi bwa nabi bushinjwa leta n’abo bahanganye mu Burundi no gushyiraho ibiganiro kugira ngo imvururu n’ubwicanyi bumaze iminsi muri icyo gihugu bihoshe.

Umuyobozi w’iryo tsinda, Christof Heyns yavuze ko bazagenzura ubugizi bwa nabi bwakorewe abatavuga rumwe na Leta y’u Burundi kuva ku ya 25 Mata 2015 ubwo Perezida Nkurunziza yatangazaga ko aziyamamariza manda ya Gatatu.

Bazasura u Rwanda, Uganda, Tanzania na Repubulika Iharanira Demokarasi ya Congo, baganire n’impunzi zibahe ubuhamya bw’ubugome zakorewe mbere yo guhunga.

JPEG - 80.2 kb
Polisi y’u Burundi ishinjwa iyica rubozo no kugirira nabi abarwanya Leta

Henys yakomeje agira ati” Twizeye ko tuzahabwa amakuru n’abantu, imiryango n’amashyirahamwe, bakatubwira ubugizi bwa nabi bwakorewe mu Burundi kuva mu mwaka ushize.”

Loni yatangaje ko Heyns azaba ari kumwe n’izindi mpuguke ebyiri zigenga Maya Sahli-Fadel na Pablo de Greiff.

Bazaza mu Burundi muri Kamena batange icyegeranyo cya nyuma mu nama ya 33 y’Ishami ry’Umuryango w’Abibumbye ryita ku Burenganzira bwa Muntu izaba muri Nzeli 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE