2017-09-23 09:22:12 clouds 27o High | Kigali Rwanda

Dukurikire:
 
 

USA: Abapasiteri babiri bafashwe bagura abana bo gusambanya

Yanditswe na IMVAHO NSHYA

Kuya 2016-05-24 07:18:17

 
Share on:
 
Yasuwe:8
 
Yavuzweho:200
 
10
 
10

Abapasiteri babiri bo mu matorero ya Gikirisitu muri Leta ya Tennessee (USA) bafashwe bari kugurira kuri internet abana b’abakobwa bo gusambanya.

Ubuyobozi bwa leta ya Tennessee buvuga ko abo bapasiteri bari ku rutonde rw’abandi 30 bagihigwa bukware.

Umuyobozi w’Ibiro Bishinzwe Iperereza muri Tennessee, Mark Gwyn yavuze ko abafashwe ari Jason Kennedy , Zubin Parakh bose ngo bari bamaze kwemera kwishyura amafaranga hakoreshejwe internet kugira ngo bahabwe abakobwa bo gusambanya.

PNG - 776.6 kb
Abapasiteri bafashwe baei bamaze kwishyura abo gusambanya kuri internet

Ikinyamakuru Inside Editiom kivuga ko pasiteri Kennedy, w’imyaka 46, yafashwe amaze kwishyura amadorali 100 ngo asambanye abakobwa babiri barimo n’ufite imyaka 15.

Kennedy yari pasiteri ushinzwe abana mu itorero ry’Ababatisita naho Parakh, w’imyaka 32 yakoraga mu itorero ryitwa Life House.

Polisi iracyahiga abandi 30 bakekwaho gusambanya abana.

Gwyn yagize ati” Akazi kacu ntikararangira. Dushaka kwerekana ko nta bwihisho abanyabyaha bafite. Dushaka ko buri wese ugura abakobwa bo gusambanya kuri internet abiryozwa.”

Itorero ry’Ababatisita ryahise ritangaza ko ryirukanye pasiteri Kennedy akimara gutabwa muri yombi.

Itangazo iryo torero ryashyize ahagaragara riragira riti “ Ibyo pasiteri wacu ashinjwa ntitwari tubizi mu itorero, nta n’umwe wari waratubwiye ko afite iyo myitwarire.”

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE