2017-10-18 07:01:40 clouds 27o High | Kigali Rwanda

Dukurikire:
 
 

Rubavu: Umusozi waridukiye inzu uhitana bane

Yanditswe na IMVAHO NSHYA

Kuya 2016-05-08 07:59:52

 
Share on:
 
Yasuwe:5
 
Yavuzweho:200
 
10
 
10

Baryaningwe Jean Paul w’imyaka 50 na Bantegeye w’imyaka 42 n’abana babo babiri bagwiriwe n’umusozi bari mu nzu bahita bitaba Imana.

Uyu muryango wari utuye mu mudugudu wa Ntakibande, Akagari ka Gikombe, Umurenge wa Nyakiliba mu karere ka Rubavu wishwe n’umusozi waridukiye inzu bari batuyemo ahagana saa mbili z’ijoro ryo ku wa gatandatu tariki 7 Gicurasi 2016 .

Ubuyobozi bw’Umurenge wa Nyakiliba buvuga ko abana babo bishwe n’iyi mpanuka umwe yari afite imyaka ibiri n’igice mu giheundi afite irindwi. Abandi bana babiri bari hanze ngo ni bo bahise batabaza ariko biba iby’ubusa kuko basanzwe bapfuye.

PNG - 718.1 kb
Aho inzu yabagamo abantu yaguye hasigaye hameze nk’imbuga (Ifoto: Iyaremye Y) (2)

Umunyamabanga Nshingwabikorwa w’Umurenge wa Nyakiriba Nzitabakuze Jean De Dieu, yemeje aya Nakuru y’urupfu rw’uyu muryango abuga ko uyu musozi ushobora kuba wahiritswe n’inkangu imaze igihe yarawushegeshe.

Yagize ati "Ibi byago byabaye muri iri joro byatewe n’inkangu yari yarashegeshe umusozi bitewe n’amazi menshi yari yinjiyemo ubu aho ba nyakwigendera bari batuye hatsibamye ntabwo wamenya ko higeze guturwa; umusozi wose wirunze ku nyubako ababyeyi n’umwana twabakuyemo. Tubyukiye mu gikorwa cyo gushaka umurambo w’ umwana umwe tutarabona."

PNG - 701 kb
Umusozi watenguwe n’inkangu, wasize wivuganye abantu bane (Foto Iyaremye Y)

Yakomeje avuga ko bafashe ingamba zo kwimura abantu bose batuye ahantu habi habatera ibibazo ari mu mikingo y’imisozi ndetse n’ahandi hantu hose hanyura amazi menshi y’imyuzure kugira ngo badakomeza guhura n’ibiza.

Yasabye kandi abantu bose batuye ahanyura amazi menshi y’isuri gucukura ibyobo no gutera ibiti bifata amazi biyagabanyiriza umuvuduko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE