2017-09-24 09:25:05 clouds 27o High | Kigali Rwanda

Dukurikire:
 
 

Rulindo:Abarimu bijujutiye ingwa mbi

Yanditswe na IMVAHO NSHYA

Kuya 2016-05-05 05:51:36

 
Share on:
 
Yasuwe:4
 
Yavuzweho:200
 
10
 
10

Abarimu bo mu bigo bitandukanye mu karere ka Rulindo bakomeje kugaragaza ko babangamiwe cyane n’ingwa mbi basigaye bahabwa, kuko ngo zivungagurika cyane ku buryo zibatera indwara.

Iki kibazo bigaragara ko kibangamiye abarimu benshi nta n’umwe weruye ngo akigaragarize ubuyobozi, ahubwo ngo bakomeje kukigaragariza ku rubuga abarimu bo muri aka karere bahuriraho.

Abarimu baganiriye n’Imvaho Nshya bahamije ko iki kibazo koko gihari, bagatunga agatoki rwiyemezamirimo mushya watsindiye isoko ryo kugemura ingwa bavuga ko abahangika ingwa mbi.

JPEG - 231.2 kb
Abarimu bavuga ko ingwa bakoresha muri iki gihe zivungagurika cyane (Foto Umutoni B)

Umuyobozi ushinzwe uburezi mu Murenge wa Rulindo Marie Josée Mukakanani, ubwo yari mu nama y’uburezi y’akarere yagaragaje iki kibazo nk’igihangayikishije abarimu bazifashisha bandika ku kibaho.

Yagize ati:“Izo ngwa zihinduwe byaba byiza, izo ngwa zitandukanye n’izari zisanzwe zitangwa na GMART yazitangaga mu gihe cyashize.Hagomba kubaho ubundi bwoko bw’ingwa ariko kandi hari inzira bigomba kunyuramo ngo izo ingwa zihindurwe haboneke izindi”.

Muri iyi nama abarimu banenzwe ko badatobora ngo bagaragaze ikibazo bafite, ahubwo ugasanga bavugira mu matamatama, ndetse bikavamo no gusebanya, bibutswa ko mu gihe bumva babangamiwe n’izo ingwa bafite uburyo babigaragaza bagahabwa izindi zimeze neza.

Umuyobozi w’akarere ka Rulindo Kayiranga Emmanuel, we yagize ati:“Niba icyo kibazo gihari koko tugiye kubisuzuma dutange raporo.”

Ingwa zigemurirwa ibigo by’amashuri zitangwa na rwiyemezamirimo uba waratsindiye isoko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE