2017-10-22 09:16:35 clouds 27o High | Kigali Rwanda

Dukurikire:
 
 

Zamalek yirukanye umutoza

Yanditswe na IMVAHO NSHYA

Kuya 2016-05-04 11:41:59

 
Share on:
 
Yasuwe:0
 
Yavuzweho:200
 
10
 
10

Ikipe ya Zamalek yo mu Misiri yamaze gutandukana n’uwari umutoza wayo Alex McLeish ukomoka muri Ecosse nyuma yo kugira umusaruro utari mwiza.

McLeish wari umaze amezi 3 atoza iyi kipe yumvikanye n’ubuyobozi bw’ikipe ya Zamalek gusesa amasezerano bari bafitanye.

Umutoza Alex McLeish yasimbuye Ahmed Hossam Mido ubuyobozi bwa Zamalek bwizeye ko ashobora kugarura iyi kipe mu bihe byayo byiza ariko ntabwo yigeze abigeraho.

Zamalek iri kurwana no kureba uko yakwitwara neza mu mikino isigaje kugira ngo izabashe gusoza iri ku mwanya wa 2 mu gihe mukeba wayo w’ibihe byose Al Ahly iyoboye shampiyona.

JPEG - 40.5 kb
Umutoza Alex McLeish wirukanwe mu ikipe ya Zamalek

McLeish yatoje imikino 10 mu marushanwa yose ndetse afasha iyi kipe kuyobora itsinda iherereyemo mu mikino y’amakipe yabaye aya mbere iwayo ku mugabane w’a Afurika aho yatsinze imikino 6, anganya 2 atsindwa imikino 2.

Umuyobozi w’iyi kipe Mortada Mansour yatangaje ko Mohamed Helmy agiye kuba atoza iyi kipe byagateganyo mu gihe batabona umutoza umusimbura. Umutoza McLeish yahawe ibihumbi 60 by’amadorari nk’ingurane y’ amasezerano yari asigaranye muri iyi kipe. Uyu mutoza abaye uwa 4 wirukanwe muri uyu mwaka nyuma ya Jesualdo Ferreira, Marcus Paqueta na Ahmed Hossam Mido.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE