2017-10-19 07:53:31 clouds 27o High | Kigali Rwanda

Dukurikire:
 
 

Abarimu mu gihugu hose batangiye guhabwa mudasobwa ku nguzanyo

Yanditswe na IMVAHO NSHYA

Kuya 2016-05-01 14:31:13

 
Share on:
 
Yasuwe:37
 
Yavuzweho:200
 
10
 
10

Guverinoma y’u Rwanda ifatanyije n’abafatanyabikorwa batandukanye yatangije gahunda yo kuguriza abarimu mudasobwa zibafasha mu kazi kabo ka buri munsi.

Iyi gahunda ya musadobwa ku mwarimu yaguwe mu gihugu hose ku Cyumweru tariki ya 1 Gicurasi ubwo hizihizwaga umunsi mpuzamahanga wahariwe umurimo nyuma y’uko mu mwaka wa 2013 yatangijwe mu mujyi wa Kigali yunganira isanzwe ya Mudasobwa umwe ku mwana.

Abarimu bahawe izi mudasobwa zakorewe mu Rwanda n’Ikigo Positivo BGH zikongerwaho internet (modem) na Airtel Rwanda bishimira ko bunganiwe mu kazi kabo ka buri munsi, ndetse n’uburyo bwo kuzishyura muri Koperative Umwalimu Sacco bukaba butagoye kuko ari kimwe cya cumi cy’umushahara buri kwezi.

JPEG - 316.7 kb
Minisitiri Musafili aha mudasobwa umwe mu barimo (Foto: James R)

Tuyizere Theogene wigisha indimi mu Ishuri ryisumbuye rya Mutagatifu Fransisiko i Shangi mu karere ka Nyamasheke yagize ati “ Izi mashini tubona byanze bikunze ziraza kudufasha kuko hari byinshi tuba dukeneye gukora. Baduhaye na interinet y’igihe kirekire, ibyo umuntu adashobora kubona mu bitabo tuzabibona. Tuzajya dukoresha amajwi, amafoto n’amashusho n’ibindi nk’imfashanyigisho.”

Nzamurambaho Frederick wigisha mu Rwunge rw’Amashuri rwa Kirwa yogeyeho ati “Numva bizadufasha cyane kugira ngo ireme ry’uburezi rirusheho kwiyongera, ndetse tuzakomeza kujya tuzijyana mu ishuri twigishe abana ibintu natwe twakoreye ubushakashatsi.

Minisitiri w’Uburezi, Dr. Musafiri Papias, yashimiye Guverinoma y’u Rwanda n’ibigo byafatanyije muri iyi gahunda ije guindura ubuzima bw’umwarimu akagera ku kigero cyo kwigisha abana ibyo bumva.

Dr. Musafiri yagize ati “Turizera ko niba dushoboye kugeza ikoranabuhanga ku barimu bizabafasha kugera ku nshingano zabo bakanoza umurimo. Abarimu ntibafasha abanyeshuri gukoresha ikoranabuhanga badakoresha. Ni yo mpamvu bafashijwe kubona mudasobwa na ‘modem’.”

Minisitiri w’Abakozi ba Leta n’Umurimo, Uwizeye Judith, yashimye iki gikorwa kuko kije gufasha abarimu kunoza umurimo.

Yagize ati “Kuba abarimu bahawe mudasobwa ni ikintu gikomeye ndetse twanabashimiye, kubera uruhare tuzirikana ko bagira mu iterambere ry’igihugu cyacu.”

Bivugwa ko iyi gahunda yo igamije kugera ku barimu basaga ibihumbi 60 mu byaro na 2000 mu mijyi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE