2017-10-19 07:53:31 clouds 27o High | Kigali Rwanda

Dukurikire:
 
 

Beach Volleyball: U Rwanda n’ibindi bihugu 12 bizahatanira itike y’imikino Olempike 2016

Yanditswe na IMVAHO NSHYA

Kuya 2016-05-01 06:11:10

 
Share on:
 
Yasuwe:3
 
Yavuzweho:200
 
10
 
10

Nyuma y’aho ikipe y’u Rwanda mu bagore bakina Volleyball yo ku mucanga “Beach Volleyball” iburiye itike yo kuzitabira imikino Olempike 2016 itsinzwe na Misiri ku mukino wa nyuma, ikipe y’abahungu iri mu myiteguro yo kwitabira imikino ya nyuma mu gushaka itike “African Beach Volleyball Men’s Nations Cup Qualifications 2016”.

Nk’uko tubikesha Impuzamashyirahamwe y’umukino wa Volleyball muri Afurika “CAVB” amakipe 12 ni yo azitabira iri rushanwa rizabera muri Tunizia kuva taliki 03-09 Gicurasi 2016.

Aya makipe ni Tunizia izakira, u Rwanda, Burundi, Gambia, Kenya, Maroc, Cote d’Ivoire, Ghana, Angola, Sierre Leone, Mozambique na Misiri. Ikipe izegukana iri rushanwa ni yo izitabira imikino Olempike 2016.

JPEG - 53.5 kb
Ntagengwa Olivier (iburyo) na Ndamukunda Flavien bamwe mu bazaserukira u Rwanda mu mikino yo gushaka itike y’imikino Olempike 2016 muri Volleyball yo ku mucanga

Abakinnyi b’u Rwanda bari kwitegura

Abakinnyi 5 bari mu myitozo ni Ntagengwa Olivier, Kavalo Patrick, Ndamukunda Flavien, Kwizera Pierre Marshal na Ndahimana Ouzziel. Ikipe y’u Rwanda izahaguruka mu Rwanda yerekeza muri Tunizia taliki 01 Gicurasi 2016.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE