2017-11-17 14:59:33 clouds 27o High | Kigali Rwanda

Dukurikire:
 
 

USA: Umwana w’imyaka 2.5 yatoye imbunda mu modoka arasa nyina

Yanditswe na IMVAHO NSHYA

Kuya 2016-04-28 15:35:10

 
Share on:
 
Yasuwe:58
 
Yavuzweho:200
 
10
 
10

Umwana w’imyaka ibiri n’igice yishe arashe nyina wari utwaye imodoka mu buryo butunguranye, nyuma yo kubona imbunda yo mu bwoko bwa masotera (pistolet).

Nk’uko tubikesha ikinyamakuru Epress.fr, uyu mwana yarashe nyina nyuma yo kubona iyi mbunda yari ibitse mu musego w’intebe mama we yari yicayeho atwaye.

Umwana warashishije imbunda yari yicaye inyuma mu gihe nyina na nyirakuru ndetse n’undi mwana w’umwaka umwe bari bicaye mu ntebe z’imbere ubwo impanuka yabaga.

Polisi ya Leta ya Wisconsin yo mu majyaruguru ya Amerika yatangaje ko uyu mugore w’imyaka 26 y’amavuko yahise yitaba imana akimara gufatwa n’isasu.
Polisi ivuga ko umwana yarekuye isasu rinyuze mu musego rihunguka kuri nyina watwaraga agahita apfa. Bivugwa ko uyu mwana ashobora kuba yarabonye imbunda yari iy’inshuti y’uyu mugore ari na we nyiri imodoka, kuko yari yavuye mu bubiko ikagwa ku ruhande.

Uyu mugore warashwe ngo yatwaraga imodoka y’inshuri te kuko iye yari imaze igihe gito yibwe, ariko binavugwa ko hakomeje iperereza.

Ibi bibaye mu gihe mu kwezi gushize na none umwana w’umuhungu w’imyaka ine yarashe mu mugongo wa mama we akamukomeretsa bikomeye.

Gutunga imbunda uri umusivili muri Leta Zunze ubumwe za Amerika biremewe mu gihe wabisabiye uburenganzira, ariko igihangayikishije ubuyobozi ni uko zikoreshwa n’insoresore ndetse n’amabandi yangiza umutekano no mu bundi bwicanyi bwa hato na hato

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE