2017-09-25 08:13:20 clouds 27o High | Kigali Rwanda

Dukurikire:
 
 

Nyabihu:Abashumba bangije ibifite agaciro gasaga miliyoni 8

Yanditswe na IMVAHO NSHYA

Kuya 2016-04-21 14:56:29

 
Share on:
 
Yasuwe:2
 
Yavuzweho:200
 
10
 
10

Abaturage bo mu murenge wa Kintobo mu karere ka Nyabihu, bavuga ko babangamiwe n’abashumba baboneshereza imyaka, bakaba basaba ubuyobozi n’izindi nzego zibishinzwe kubafasha gukurikirana no kwishyuza imyaka yabo.

Aba bahinzi bavuga ko kuba aborozi baboneshereza imyaka atari ubwa mbere bibaye mu karere ka Nyabihu, ariko kuri iyi nshuri barasaba ko iki kibazo gifatirwa umwanzuro uhamye kandi urambye.

Mu karere ka Nyabihu, abashumba baturutse mu bice bya Musanze na Gishwati bimurira inka mu murenge wa Kintobo, bonesheje imyaka y’abaturage, ndetse baranayisarura bagurisha abo bashaka.

JPEG - 90.9 kb
Bamwe mu bashumba bo muri Nyabihu bonesha imyaka y’abaturage bavuga bakabakubita (Foto Ngaboyabahizi P)

Ubuyobozi bw’umurenge wa Kintobo ntibwabyihanganiye, ari nayo mpamvu nyuma y’iminsi igera kuri ine hakozwe umukwabu udasanzwe, hagafatwa inka 58 harimo icumi z’umucuruzi ufatwa nk’ukomeye muri aka gace.

Habimana Bernard, umuhinzi wo muri uyu murenge, yagize ati:“Ubu twonesherezwa imyaka igasarurwa n’abashumba bitwaje ko ngo ba shebuja ari abantu bakomeye mu nzego z’ubuyobozi, twarumiwe ntituvuga, ndasaba rwose ubuyobozi gukomeza kwigisha aborozi bakororera mu bikuyu byabo no mu biraro, kuko usanga n’abashumba iyo tuvuze badukubita”.

Umunyamabanga Nshingwabikorwa w’umurenge wa Kintobo, Muhirwa Robert, avuga ko igikorwa cyo gushakisha bariya bashumba cyateguwe hagamijwe kubafatana n’inka zabo.

Yagize ati:“Ntabwo ari ubwa mbere urugomo nk’uru rukorwa mu murenge wa Kintobo, kuko hari n’umushumba wigeze kuhasiga ubuzima mu myaka yashize.

Abashumba rero ni ikibazo, ariko njyewe mbona kiri kuri ba nyiri inka, gusa kwigisha ni uguhozaho tugiye gukomeza kubakangurira kubana neza n’abahinzi”.

Ubuyobozi bw’umurenge buratangaza ko ibyangijwe byose bifite agaciro k’amafaranga 8,131,000 kandi byose ngo bigomba kwishyurwa na ba nyiri izi nka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE