2017-10-22 09:16:35 clouds 27o High | Kigali Rwanda

Dukurikire:
 
 

Rayon Sports: Itinda ry’umushahara ryateye Mugheni Fabrice gusubira iwabo

Yanditswe na IMVAHO NSHYA

Kuya 2016-04-19 11:13:26

 
Share on:
 
Yasuwe:5
 
Yavuzweho:200
 
10
 
10

Kapiteni w’ikipe ya Rayon Sports, Ndayishimiye Eric yatangaje ko mugenzi wabo Mugheni Fabrice yananiwe kwihanganira gutinda guhembwa kuko kugeza ubu atari mu ikipe.

Uyu musore ukomoka muri RDC bivugwa ko yagiye iwabo nyuma y’aho iyi kipe yari imaze iminsi ifite ubukene idahemba.

Kapiteni wa Rayon Sports, Ndayishimiye yagize ati “Ntabwo yabashije kwihangana ariko ni bya bindi ngo umugabo anyagiranwa n’abandi akavuga ngo yatose cyane. Yananiwe kwihangana”.

JPEG - 53.7 kb
Mugheni Fabrice wananiwe kwihangana akisubirira iwabo muri RDC

Ndayishimiye akomeza abwira abakinnyi bagenzi be gushaka intsinzi kugira ngo abafana baze kuri Sitade n’agafaranga kaboneke.

Ati “Ntabwo byoroshye gukora imyitozo ugataha ukabura icyo ushyira mu nda ariko nkunda kubwira abakinnyi bagenzi banjye ko Rayon Sports aho ikura ari ku bafana bayo, igihe dutsinda ntabwo tuzabura umushahara ni yo mpamvu nari nababwiye ngo tugerageze gutsinda n’abafana biyongere ku mukino uzakurikiraho”.

Umutoza wa Rayon Sports, Masudi Juma yavuze ko Mugheni Fabrice akiri umukinnyi wabo. Ati “Si ubwa mbere Rayon Sports igize umukinnyi nk’uyu, azaza kandi azakina”.

Masudi yanavuze ko impamvu bataguze undi mukinnyi ari uko nta bushobozi bwari buhari ko bazakoresha abakinnyi bahari kandi bafite ubushobozi bwo gutwara igikombe.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE