2017-09-24 09:25:05 clouds 27o High | Kigali Rwanda

Dukurikire:
 
 

Karongi: Inkuba yishe ‘mudugudu’ ikomeretsa bane

Yanditswe na Admin

Kuya 2016-04-09 14:09:56

 
Share on:
 
Yasuwe:1
 
Yavuzweho:200
 
10
 
10

Bapfakurera Charles w’imyaka 52 wari umukuru w’umudugudu wa Nyarutembe mu Kagali ka Rugabagoba umurenge wa Ruganda akarere ka Karongi, yakubiswe n’inkuba ahita ahasiga ubuzima abandi bane barakomereka.

Bapfakurera yari yugamye imvura yiriwe igwa muri ako gace ku ya 7 Mata 2016, ku kabari mu isantere ya Nyagasambu ubw inkuba yamukubitaga ahagana mu ma saa kumi n’ebyiri z’umugoroba agahita apfa naho abandi bane bagakomereka.

Umunyamabanga nshingwabikorwa w’umurenge wa Ruganda Niyonsaba Cyriaque batatu mu bakomeretse bajyanwe mu bitaro bya Kirinda undi akajyanwa ku kigo nderabuzima cya Mwendo.

Ati” Mudugudu yahise apfa,bane barakomereka harimo n’uwo yatwitse, batatu bajyanwe ku bitaro bya Kirinda undi bamunjyana mu kigo nderabuzima cya Mwendo, gusa bose batangiye kuzanzamuka. Twari twamaze kubona imirinda nkuba y’ahantu hahurira abantu benshi turi gufatanya n’abayobozi kugira ngo turebe niba haboneka n’iyo gushyira ahandi hasigaye.”

Niyonsaba yasabye abaturage kwirinda gucuranga Radiyo, kuzimya telephone, kwirinda kugama munsi y’ibiti … mu gihe imvura iri kugwa.

Ku ya 3 Nzeli 2015 nabwo inkuba yakubise ku ishuri ribanza rya Nyamugwagwa naho muri uyu murenge ikubita abana 40 batanu bahita bapfa.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE