2017-10-19 07:53:31 clouds 27o High | Kigali Rwanda

Dukurikire:
 
 

Perezida Magufuli yashimiye Perezida Kagame urugwiro yamwakiranye

Yanditswe na IMVAHO NSHYA

Kuya 2016-04-06 10:14:08

 
Share on:
 
Yasuwe:6
 
Yavuzweho:200
 
10
 
10

Perezida wa Tanzania, John Pombe Magufuli, yavuze ko intego nyamukuru imuzanye mu Rwanda ari ugushimangira umubano n’ubuvandimwe Abanyarwanda bafitanye n’Abanyatanzaniya.

Yashimiye Perezida Paul Kagame ku bw’urugwiro yamwakiranye mu ruzinduko yagiriye mu Rwanda ari narwo rwa mbere agiriye mu gihugu cy’amahanga kuva yaba perezida.

Ubwo Perezida Magufuli yageraga ku mupaka w’u Rwanda na Tanzania, yakiriwe n’umukuru w’igihugu, Paul Kagame ari hamwe n’umufasha we, Jeannette Kagame ku ruhande rwa Tanzania rw’umupaka wa Rusumo.

JPEG - 63.2 kb
Perezida Kagame na Magufuli bafungura umupaka wa Rusumo

Perezida Kagame yasuhuje abaturage bo muri Tanzaniya abaha indamukanyo ya bagenzi babo bo mu Rwanda ati” Dufatanyije ntacyatunanira.”

Yongeyeho ko yishimiye kwakira Perezida Magufuli mu Rwanda n’abamuherekeje, kandi ko baramwakirana urugwiro.

Perezida Magufuli nawe yagaragaje ko yishimiye ubutumire bwe. Ati” nshimiye Perezida Kagame ku bw’ubu butumire. U Rwanda ni cyo gihugu nsuye bwa mbere kuva naba Perezida.

Nyuma yo gufungura umupaka wa Rusumo, uhuriweho n’u Rwanda na Tanzania ndetse gasutamo n’ikiraro mpuzamahanga byose biri kuri uwo mupaka, abakuru b’ibihugu byombi barerekeza I Kigali.

Byitezwe ko perezida Magufuli azafatanya n’Abanyarwanda Kwibuka ku nshuro ya 22 abazize Jenoside yakorewe Abatutsi mu 1994 .

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE