2017-10-22 09:16:35 clouds 27o High | Kigali Rwanda

Dukurikire:
 
 

I Kabgayi habonetse indi mibiri 4 y’abazize Jenoside

Yanditswe na IMVAHO NSHYA

Kuya 2016-04-06 05:26:14

 
Share on:
 
Yasuwe:1
 
Yavuzweho:200
 
10
 
10

Mu gikorwa cyateguwe n’ubuyobozi bw’Akarere ka Muhanga kigamije gushakisha ahaba bakiri imibiri y’abazize Jenoside itarashyingurwa mu cyubahiro, kuwa 5 Mata 2016 mu ishyamba ry’i Kabgayi mu murenge wa Nyamabuye habonetse indi mibiri ine y’abazize Jenoside yakorewe Abatutsi.

Mu gikorwa cy’umuganda usoza ukwezi kwa Werurwe tariki ya 26 Werurwe, nabwo ubuyobozi bw’Akarere ka Muhanga bwatangaje ko hari imibiri ibiri yari yabonetse, muri rusange hakaba hamaze kuboneka imibiri cumi n’umwe muri ibi byumweru bibiri gusa, uhereye umunsi umuganda wabereyeho.

Gashugi Innocent, umukozi mu karere ka Muhanga ushinzwe urubyiruko, umuco na siporo, ari nawe uhagarariye iki gikorwa cyo gushakisha imibiri itarashyingurwa mu cyubahiro, avuga bari gukora ibishoboka byose bashishikariza abantu bafite amakuru kuyatanga.

JPEG - 144 kb
Gashugi Innocent avuga ko gushakisha imibiri y’abazize Jenoside bigikomeza (Foto Muhizi E)

Avuga ko buri mwaka muri iri shyamba ry’i Kabgayi haboneka imibiri y’abazize Jenoside, ku buryo batekereza ko iyi atari yo ya nyuma kubera umubare munini w’abatutsi bari barahahungiye baturutse impande zose z’igihugu.

Yagize ati:«Muri iri shyamba dutekereza ko hakiri indi mibiri myinshi cyane, kuko imaze kuboneka ntaho ihuriye n’umubare w’abatutsi bahiciwe, iki gikorwa kirakomeje.»

Ndejuru Hidou, Perezida wa IBUKA mu murenge wa Nyamabuye, avuga ko imibiri babonye uyu munsi basanze wagira yo barabicishije imigozi yo mu bwoko bw’imishipiri.

Avuga ko iki gikorwa cyo gushakisha imibiri y’abazize Jenoside yakorewe abatutsi kigiye gukomereza i Nyabisindu k’urusengero rw’abapantekote (ADEPR), kuko naho hari umubare munini w’abatutsi bari barahahungiye, bahiciwe.

Ndejuru kandi avuga ko hari amakuru bafite avuga ko mu ishuri rya Tekiniki rya Kabgayi (ETEKA) hari undi mubiri uhari, bashaka kuhakura kugira ngo ujyanwe mu rwibutso i Kabgayi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE