2017-09-26 09:05:36 clouds 27o High | Kigali Rwanda

Dukurikire:
 
 

Congo: MONUSCO yongerewe manda

Yanditswe na IMVAHO NSHYA

Kuya 2016-03-31 08:16:48

 
Share on:
 
Yasuwe:0
 
Yavuzweho:200
 
10
 
10

Akanama k’Umutekano ka Loni, ku wa Gatatu kongereye manda y’umwaka umwe Ingabo z’Umuryango w’Abibumbye ziri mu butumwa bwo kugarura amahoro muri Congo, MONUSCO.

Ako Kanama kavuga ko izo ngabo zizakenerwa mu kubungabunga umutekano w’abaturage mu matora ateganyijwe muri icyo gihugu no kurwanya imitwe y’inyeshyamba.

Hemejwe ko manda y’izo ngabo izagera ku ya 31 Werurwe 2017, ndetse zikaguma ku mubare wa 20 000. Leta ya Congo yari yasabye ko umubare w’ingabo za MONUSCO ugabanywa.

JPEG - 50.5 kb
Ingabo za MONUSCO zasabwe kurandura FDLR

MONUSCO yasabwe gutanga ubufasha bwa tekiniki n’ibikoresho mu gutegura amatora naho Komisiyo y’Amatora muri Congo yo isabwa gushyiraho gahunda y’amatora ifatika.

Naho ku birebana n’imitwe yitwaje intwaro, abagize akanama k’umutekano basabye MONUSCO gukora iyo bwabaga ikarandura burundu umutwe wa FDLR n’indi iyogoza abaturage mu Burasirazuba bwa Congo.

Muri Mutarama, minisitiri w’ingabo wa Congo, Crispin Atama Tabe n’umuyobozi wungirije wa Monusco, David Gressly bashyize umukono ku masezerano yo gusubukura ibitero kuri FDLR.

Mu mwaka ushize, Monusco yahagaritse gufatanya n’ingabo za Congo muri ibyo bitero nyuma yo kutumvikana ku bajenerali babiri bari kubiyobora kuko bashinjwa ibyaha by’intambara.

Umutwe wa FDLR ugizwe n’abashinjwa gusiga bakoze Jenoside mu Rwanda bagahungira mu mashyamba ya Congo aho bageze bakabuza abaturage epfo na ruguru imyaka ikaba isaze 21.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE