2017-10-19 07:53:31 clouds 27o High | Kigali Rwanda

Dukurikire:
 
 

Kigali: Imiryango y’abaregwa iterabwoba yifuzaga ko baburanishirizwa mu ruhame

Yanditswe na IMVAHO NSHYA

Kuya 2016-03-30 16:07:31

 
Share on:
 
Yasuwe:49
 
Yavuzweho:200
 
10
 
10

Itsinda ry’Abayisiramu biganjemo urubyiruko harimo n’abakobwa batatu bitabye Urukiko Rwisumbuye rwa Gasabo kuri uyu wa 30 Werurwe 2016, urubanza rwabo rubera mu muhezo mu gihe imiryango yabo yashakaga ko baburanishirizwa mu ruhame.

Bimwe mu byaha bakurikiranweho n’ubutabera, ni ukwemera kujya mu mutwe w’iterabwoba wo hanze y’igihugu bashishikajwe n’umwe mu bayobozi b’idini rya kiyisiramu Mugamangago Mohammed utari mu rukiko kuko aherutse kuraswa na Polisi bivugwa ko yashakaga gutoroka ari ku modoka atwawe mu rugo iwe murwego rwo kujya gushakayo ibindi bimenyetso bijyanye n’ibyaha akurikiranyweho.

Abagera kuri 17 bashinjwa gukorana n’umutwe w’iterabwoba wa Leta ya Kiyisilamu (ISIS) barimo abakobwa batatu bitabye ba baherekejwe nimiryango yabo n’abavoka 3, ariko abagize imiryango ndetse n’abahagarariye itangazamakuru bashyirwa mu muhezo.

Urubanza rwaburanishijwe mu muhezo nyuma y’aho Perezida w’Urukiko rwa Gasabo yabajije buri umwe kugira icyo avuga ku kkuba iburanisha ryaba mumuhezo, hafi ya bose basaba ko rwaba mu ruhame kugira ngo abagize imiryango yabo yari yaje kurukurikira imenye ibyo baregwa.

Imbere y’inteko yabacamanza 4 yaburanishije urwo rubanza abahagarariye uruhande rw’ubushinjacyaha bashingiye ku itegeko bagaragaza Impungenge z’uko basanga rugomba kubera mu muhezo bitewe n’uko hari iperereza ku byaha baregwa rigikorwa.
Perezida w’Urukiko rwa Gasabo yagize ati “Nta kibazo abagize imiryango yabo bazaza gukurikirana isomwa ryarwo kuko ruzabera mu ruhame.’’

Mbere y’uko urubanza nyir’izina rutangira, Perezida n’abahagarariye ubushinjyacyaha bashingiye kungingo ya 58 y’itegeko, babanje gusaba abakobwa b’abayisiramu mu baregwa, kwiyambura Imyambaro yabugenewe bita ‘HIJABU’ mu rurimi rw’Icyarabu ituma bahisha isura yabo ku maso,

Bamwe mu bagize imiryango yabo bavuganye n’itangazamakuru batashatse ko tuvuga amazina yabo basanga ari uburenganzira bw’imyemerere yabo nubwo bihabanye n’itegeko.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE