2017-09-24 09:25:05 clouds 27o High | Kigali Rwanda

Dukurikire:
 
 

Uzatwitambika atubuza umutekano ntibizamugwa neza –Perezida Kagame

Yanditswe na IMVAHO NSHYA

Kuya 2016-03-25 10:33:01

 
Share on:
 
Yasuwe:0
 
Yavuzweho:200
 
10
 
10

Perezida Kagame yasabye abaturage ba Rubavu kwicungira umutekano, bagakumira uwo ari we wese ushaka kuvutsa u Rwanda amahoro rufite.

Mu ijambo yagejeje ku baturage b’akarere ka Rubavu bari bateraniye mu murenge wa Mudende kuri uyu wa Gatanu ku ya 25 Werurwe, Perezida Kagame yavuze ko iyo abaturage bicungiye umutekano ntawe ushobora kubameneramo.

Ati” Turacyabafite abashaka guhungabanya umutekano wacu. Mwebwe mujye mugira uruhare rwanyu rwo kuwiha no kuwuhaana, ibindi mubirekere n’izindi nzego, zizajya zishyiraho akazo, umutekano wo ntabwo uruhanyije iyo ushingiye mu baturage nk’uko muwufite.

Umukuru w’igihugu yongeyeho ko u Rwanda rwasize inyuma ibihe by’umutekano muke kandi ko mu gihe kizaza uwagerageza guhungabanya ibihugu bitamugwa amahoro.

Ati” Ibihe by’umutekano muke turagendatubisiga inyuma, aho tujya uwatwitambika imbere atubuza umutekano ntabwo bizamugwa neza.”

Abayobozi banyereza ibyagenewe abaturage bagomba guhanwa

Yagarutse ku mikorere mibi ya bamwe mu bayobozi, muri gahunda zitandukanye nka VUP na Girinka, aho abayobozi bamwe bagiye banyereza ibyagenewe abaturage bakabigira ibyabo bwite.

Yagize ati" Abantu badindiza amajyambere y’abaturage ntabwo bazihanganirwa, nta mpamvu ibya rusange byagirwa iby’umuntu umwe gusa abandi bakaviramo aho."

Perezida Kagame yongeye gukebura abaturage batitabira ubwisungane mu kwivuza, ndetse n’imiryango irebera abana ntibagane ishuri ahubwo bagahinduka inzererezi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE