2017-10-22 09:16:35 clouds 27o High | Kigali Rwanda

Dukurikire:
 
 

Sudani y’Epfo: Perezida Kiir yirukanye Minisitiri w’Ububanyi n’Amahanga

Yanditswe na IMVAHO NSHYA

Kuya 2016-03-24 05:37:14

 
Share on:
 
Yasuwe:1
 
Yavuzweho:200
 
10
 
10

Perezida wa Sudani y’Epfo, Salva Kiir, ku wa Gatatu yirukanye Minisitiri w’Ububanyi n’Amahanga, Barnaba Marial Benjamin .

Minisitiri Bernaba yari amaze imyaka itatu kuri uwo mwanya. Mu itangazo ryasomewe kuri televiziyo y’icyo gihugu, Perezida Kiir ntiyatanze impamvu amwirukanye n’uzamusimbura.

Ijwi rya Amerika rivuga ko yirukanwe nyuma y’iminsi asabwa kwegura kubera amagambo yavuze ko agace gakungahaye kuri peteroli ka Abyei atari aka Sudani y’Epfo.

JPEG - 35.7 kb
Minisitiri Marial yirukanwe

Nyuma yo kwirukanwa, Marial yagize ati” Perezida Salva yamvanye ku mirimo yanjye nka minisitiri w’ububanyi n’amahanga n’ubufatanye wa Repubulika ya Sudani y’Epfo. Mushimiye icyizere yari yarangiriye muri iyi myaka itatu ishize.”

Yahakanye ko yirukaniwe kuvuga ko agace ka Abyei atari aka Sudani y’Epfo.
Abyei ni agace kari hagati ya Sudani y’Epfo na Sudani ariko abaturage bako bo mu bwoko bwa Ngok Dinka batoye kwiyunga kuri Sudani y’Epfo.

Marial yavuze ko abaturage bo muri ako gace aribo bafite ububasha bwose bwo guhitamo igihugu cyabo hagati ya Sudani y’Epfo na Sudani, binyuze muri kamarampaka.

Nubwo mu 2013 abo mu bwoko bwa Ngok Dinka bavuze ko bashaka kwiyunga kuri Sudani y’Epfo, ibyavuye mu matora yabo ntibyemewe na Leta z’ibyo bihugu byombi.
Abayobozi b’ubundi bwoko bwo mu gace ka Abyei bwitwa Misseriya ntibigeze bitabira ayo matora, bavuga ko icyo kibazo kizakemurwa na kamarampaka.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE