2017-09-20 12:30:19 clouds 27o High | Kigali Rwanda

Dukurikire:
 
 

Minisitiri w’Intebe yatangije iyubakwa ry’igorofa rizakoreramo minisiteri 6

Yanditswe na IMVAHO NSHYA

Kuya 2016-03-23 14:10:39

 
Share on:
 
Yasuwe:0
 
Yavuzweho:200
 
10
 
10

Minisitiri w’Intebe w’u Rwanda, Anastase Murekezi na Perezida w’Inteko Ishinga Amategeko y’u Bushinwa, Zhang Dejiang, kuri uyu wa 23 Werurwe bashyize ibuye ry’ifatizo ahazajya igorofa rinini rizakoreramo minisiteri esheshatu.

Iyo nyubako iherereye ku Kimuhurura mu mujyi wa Kigali, u Bushinwa bugiye kuyubakira u Rwanda, kubera umubano ukomeye ibihugu byombi bifitanye.

JPEG - 74.6 kb
Minisitiri Murekezi na Dejiang bashyira ibuye fatizo ahazubakwa iryo gorofa

Izatwara miliyoni 26, 5 z’amadorali, ikoreremo ibiro bya Minisitiri w’Intebe, izindi minisiteri na bimwe mu bigo bya Leta.

Zhang Dejiang, ari mu Rwanda mu ruzinduko rw’iminsi ibiri, aho yaganiriye na ba perezida b’imitwe yombi igize inteko ishinga amategeko, agasura urwibutso rwa Gisozi ndetse akanakirwa na Perezida wa repubulika, Paul Kagame.

Ubwo yaganiraga na Perezida wa Sena, Bernard Makuza, Dejiang yavuze ko umubano w’u Bushinwa n’u Rwanda ushingiye ku bwubahane n’ubufatanye.

JPEG - 79.9 kb
Inyubako izacumbikira minisiteri esheshatu

U Rwanda rusanzwe rufitanye umubano n’u Bushinwa ushingiye ku bucuruzi, ishoramari, ibikorwa remezo n’uburezi kandi ibihugu byombi byagaragaje ubushake wo kuwugira mwiza kurushaho.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE