2017-10-17 06:58:11 clouds 27o High | Kigali Rwanda

Dukurikire:
 
 

Hasohotse iPhone ihendutse kurusha izindi - Ibintu 5 ukeneye kuyimenyaho

Yanditswe na IMVAHO NSHYA

Kuya 2016-03-22 07:03:18

 
Share on:
 
Yasuwe:59
 
Yavuzweho:200
 
10
 
10

Nyuma y’amezi menshi bihwihwiswa, Apple yamuritse telefoni nshya ku wa Mbere, yitwa iPhone SE, ni yo telefoni igezweho yo mu bwoko bwa iPhone ihendutse kandi ifite ubushobozi busa nk’ubw’izindi.

iPhone SE ni nayo telefoni ntoya mu zo mu bwoko bwayo, Apple yayigeneye ibihugu bikiri mu nzira y’amajyambere n’abakunda udutelefoni duto, nyuma yo kubona ko abagura telefoni zayo bagabanutse cyane.

JPEG - 118.8 kb
iPhone SE yasohotse ari nto

Ubi nibyo bintu bitanu umuntu akwiye kumenya kuri iPhone SE :

1. Ifite processor (umutima) yo mu bwoko bwa A9

iPhone SE ni telefoni yihuta, processor yayo yo mu bwoko bwa A9 ni nk’ikoreshwa muri iPhone 6S na 6S Plus. Ifite GHz (igipimo cy’ubushobozi) ya 1.8 na 2GB za RAM.

2. Camera ya 12MP

Iyi telefoni ifite camera ya Mega Pixels 12 n’umurabyo, ifite uburyo bwo kunoza ifoto mbere yo kuyifotora (Auto focus). Ishobora no gufata amashusho afite ingufu za 4k.

3. Irahendutse kurusha izindi iPhones

iPhone SE ni yo ihendutse muri telefoni zose za Apple, izagurwa ku giciro mpuzamahanga cy’amadorali 399 (amafaranga y’u Rwanda 300 000) kandi ifite ubushobozi budatandukanye cyane iPhones zisanzwe.

JPEG - 100 kb
Yasohotse mu mabara atandukanye

4. Ububiko buhagije

Iyi telefoni yasohotse mu byiciro bibiri: ifite icyiciro cya GB 32 z’ububiko n’icya GB 64. iPhone SE ifite GB 64 igura amadorali 499 ( 382 000 frws).

5. Umuriro wayo umaramo igihe gihagije

iPhone SE imaramo umuriro amasaha 14, iyo umuntu ari gukoresha internet 3G cyangwa 4G umaramo amasaha 13, yaba ari gukoresha Wi Fi ukamaramo amasaha 12.

Apple kandi yasohoye iPad nshya, yo ifite camera ya MP 12 ifite ububiko bwo kuva kuri GB 32 kugeza ku 128, iri ku giciro mpuzamahanga cya 599$ (459 000 frws) ku ntoya na 749$ (570 000 frws) ku nini.

JPEG - 49.7 kb
iPhone SE izatangira kugurishwa ku ya 24 Werurwe
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE