Advertisement
 
 
 
 
 
 
 
 

Siporo | Siporo Mu Rwanda

Zimwe mu mbogamizi z’iterambere rya Basketball y’u Rwanda   

  Yanditswe na BIZIMANA ERIC
 May 2016

 
 

Umunyamabanga w’Ishyirahamwe ry’umukino wa Basketball mu Rwanda “FERWABA”, Mutabazi Richard asanga kuri ubu uyu mukino ufite imbogamizi ebyiri zituma utagera ku rwego bawifuzaho.

Ibi yabitangaje nyuma y’uko Patriots BBC itwaye igikombe cya shampiyona itsinze IPRC-South. Mutabazi avuga ko n’ubwo shampiyona y’uyu mwaka yaranzwe n’ubwitabire bwinshi bw’abafana hakiri ikibazo cy’amikoro, kuko nta muterankunga FERWABA n’amakipe bafite.

Mutabazi yagize ati “Imbogamizi ya mbere ikomeye ni amikoro, kuba nka FERWABA tutarabona umuterankunga wa shampiyona, ikipe itwaye igikombe ikaba ihabwa miliyoni n’igice mu by’ukuri ni amafaranga make cyane”.

JPEG - 316.4 kb
Umunyamabanga Mukuru wa FERWABA, Mutabazi Richard uvuga ko hakiri imbogamizi ku iterambere ry’umukino wa Basketball mu Rwanda

Mutabazi yavuze ko n’ikibazo cy’ubumenyi buke mu batoza n’abasifuzi ari kimwe mu bihangayikishije iterambere ry’ uyu mukino.

Ati “Indi mbogamizi ya kabiri ni ubumenyi dukomeza kubaka, ari mu basufuzi , ari mu batoza, bitaragera ku rwego rushimishije , ntabwo bigayitse mu by’ukuri turatera intambwe buri mwaka ariko ntituragera ku rwego tuvuga tuti imisifurire yacu ni nta makemwa, abatoza bacu bari ku rwego rwo hejuru”.

N’ubwo hakiri izi mbogamizi ariko, ku rundi ruhande FERWABA irishimira ko umukino wa Basketball ugenda utera imbere ndetse ukaba uri kurushaho gukundwa n’abanyarwanda batandukanye, aho witabirwa ku bibuga kandi bishyuje.

Mutabazi yagize ati “Ubu rero twabonye ko umukino ugeze ku rwego rushimishije, wazamutse, ni yo mpamvu twatangiye ziriya gahunda zo ku wa Gatanu no kuwa Gatandatu tukishyuza ku mikino kandi abantu barishyura, bivuze ko niba abantu bishyura igikorwa ni uko baba bagihaye agaciro».

Yakomeje agira ati “Umukino rero umaze kuryoha, tukaba duteganya ko tugiye gukomereza aho ku buryo kwishyuza no gukangurira abantu kuza kuri Sitade byiyongera bikaba byanakurura abaterankunga ku buryo na none bazashyiramo amafaranga bigatuma abaterankunga biyongera”.

FERWABA igiye gukomeza gushyira imbaraga mu gutegura neza imikino mu rwego rwo gukomeza gukurura abakunzi b’umukino wa Basketball mu Rwanda .

 

Comments

 
 
Amakipe atatu ashobora kuzira kutamenyekanisha imisoro
Amakipe atatu ashobora kuzira kutamenyekanisha imisoro

Ubuyobozi bw’ishyirahamwe ry’umupira w’amagurumu Rwanda “FERWAFA” buravuga ko butishimiye imyitwarire y’amakipe atatu yananiwe kumenyekanisha imisoro y’imyenda abereyemo Ikigo cy’igihugu cy’imisoro (...)

Mu kwezi kumwe muzambaze niba nziyamamariza kuyobora FERWAFA - V. de Gaulle
Mu kwezi kumwe muzambaze niba nziyamamariza kuyobora FERWAFA - V. de Gaulle

Perezida w’Ishyirahamwe ry’Umupira w’Amaguru mu Rwanda “FERWAFA”, Nzamwita Vincent De Gaulle aravuga ko mu kwezi kumwe ari bwo azatangaza niba aziyamamariza manda ya kabiri yo kuyobora iri (...)

RGB yahaye amakipe mashya ya Karate ibyemezo by’ubuzima gatozi
RGB yahaye amakipe mashya ya Karate ibyemezo by’ubuzima gatozi

Ikigo cy’Igihugu cy’Imiyoborere, RGB, cyahaye amakipe atatu y’umukino wa Karate Wado Ryu ibyemezo by’ubuzima gatozi ku Cyumweru ku ya 27 Werurwe 2017. Amakipe yahawe ibyo byemezo biyemerera (...)

Masudi  yahishuye ibanga rituma Rayon Sports yitwara neza muri iyi minsi
Masudi yahishuye ibanga rituma Rayon Sports yitwara neza muri iyi minsi

Ikipe ya Rayon Sports ubu iri ku mwanya wa mbere ku rutonde rwa shampiyona n’amanota 49; irusha ikipe ya APR FC iri ku mwanya wa kabiri amanota 8 ndetse iyi kipe ya Rayon Sports ikaba ifite (...)

Habimana yegukanye imidali itatu mu mukino w’amagare utamenyerewe mu Rwanda
Habimana yegukanye imidali itatu mu mukino w’amagare utamenyerewe mu Rwanda

Abakinnyi babiri b’Abanyarwanda basanzwe bakina umukino wo gusiganwa ku magare ari bo Habimana Jean Eric ukinira Fly na Munyaneza Didier ukinira Benediction Club y’ i Rubavu bari muri Afurika (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.