Advertisement
 
 
 
 
 
 
 
 

Siporo | Siporo Mu Rwanda

Volleyball: Shampiyona y’uyu mwaka yasubiye hasi   

  Yanditswe na BUGINGO FIDELE
 May 2016

 
 

Muri uyu mwaka wa shampiyona ya 2016 muri Volleyball hagaragaye za mpaga nyinshi ku makipe ndetse n’ubwitabire bw’abafana buragabanuka ugereranyije n’umwaka ushize wa 2015.

Nyuma y’umukino wahuje Rayon Sports na INATEK VC, aho INATEK yatsinze Rayon Sports amaseti 3-0 (25-18, 25-21 na 25-17), umutoza wa Rayon Sports VC yatangaje ko ikipe irimo kwitwara nabi kubera ikibazo cy’amikoro.

Umukino uheruka, iyi kipe yari yatewe mpaga na IPRC-South kuko yabuze ubushobozi bwo kujya i Huye. Kuri uyu mukino wa INATEK VC wabereye Kimisagara, Rayon Sports yakinnye ifite abakinnyi 7 gusa aho hari abakinnyi basanzwe bakomeye nka Ndamukunda, Kagimbura na Rurangwa Jimmy batigeze bagaragara.

Nyirimana yagize ati “Ibi byose ni ikibazo cy’amikoro kuko biratugora kujya mu mikino imwe n’imwe ndetse n’abakinnyi bamwe bumva ko batakina batabonye imishahara yabo”.

JPEG - 271.1 kb
Ikipe ya Rayon Sports VC kubera kubura amikoro bakina batuzuye rimwe na rimwe bakabura ku kibuga (Foto Bugingo F)

Uyu mutoza yakomeje avuga ko bafite ababijeje inkunga ari yo mpamvu bagihanyanyaza ngo bagumemo. Ati “Bikemutse ikipe yasubira ku murongo”.

Nyirimana avuga ko Rayon Sports ari ikipe nziza igira abakunzi benshi n’abakinnyi baba bifuza kuyikinamo ko isubiye ku murongo amikoro akaboneka abakinnyi bazaza ikongera ikitwara neza.

Ikipe ya INATEK VC ubu iri ku mwanya wa 2 ku rutonde ikaba ari na yo ifite igikombe giheruka ndetse ikaba ifite n’amahirwe yo kukisubiza uyu mwaka, umutoza wayo Ntawanga Dominique yatangaje ko buri wese aba yifuza gutwara igikombe gusa ko ari ukubikorera.
Uyu mutoza kandi yanagize icyo avuga ku mikino yatumye batitabira imikino y’Afurika uyu mwaka.

Ati “Ntibyagenze neza kuko ntabwo byari byateguwe kuko kujyana ikipe hanze bisaba amikoro ahagije gusa ubu tumeze neza kandi kuko babonye ko bishoboka ababishinzwe bagomba kubitegura kare ku buryo gutwara igikombe ubutaha bitagorana”.

Shampiyona ya 2016 itandukanye n’iya 2015

Umutoza wa Rayon Sports VC, Nyirimana yagize ati “Aho kugira ngo ibintu bizamuke birasubira inyuma ni ikintu cyo gutekerezaho kuko urebye mu myaka 3 cyangwa 2 ishize shampiyona yari iri ku rwego rwo hejuru”.

Zimwe mu mpamvu uyu mutoza atanga ngo ni uko iyo urebye mu makipe abakinnyi barimo benshi bafite imyaka iri hejuru ku buryo nta bana bato bazamo.
Ati “Nicyo gitera ko bigeza aho shampiyona ibiha kuko abantu bafite imyaka yo hejuru ni yo ananiwe mu kwirwanaho ashaka indi mpamvu”.

Yakomeje avuga ko igikwiye gukorwa ari ukuzana abana benshi n’ibibazo by’amikoro bigakemuka na shampiyona igahabwa agaciro kuko ababaye muri Volleyball ubona basa n’abacitse intege kandi ari bo bagakwiye kuyizamura.

Ati “Iyo ba nyirayo batabirimo ni uku bigenda”.

Mu mikino ya shampiyona yabaye mu mpera z’icyumweru gishize, APR VC yatsinze KVC amaseti 3-0, Lycée de Nyanza itera mpaga UBT, Kirehe itsinda IPRC-South amaseti 3-0.

Kugeza ubu APR VC irayoboye n’amanota 30, INATEK ikurikiraho n’amanota 26 gusa ifite imikino 2 y’ibirarane, Kirehe ku mwanya wa 3 n’amanota 19, IPRC-South n’amanota 18, Rayon Sports ku mwanya wa 5 n’amanota 14.

 

Comments

 
 
Seninga mu ihurizo rikomeye mbere yo guhura na Rayon Sports
Seninga mu ihurizo rikomeye mbere yo guhura na Rayon Sports

Umutoza wa Police FC, Seninga Innocent ari mu mibare ihambaye yo kubona myugariro wo gufatanya na Umwungeli Patrick mu bwugarizi bwo hagati (Central defense) ku mukino uzahuza Police FC na Rayon (...)

Bitayigoye, Rayon Sports yakomeje mu mikino ya Afurika
Bitayigoye, Rayon Sports yakomeje mu mikino ya Afurika

Rayon Sports 2-0 Al Wau Salaam (6-0) Ikipe ya Rayon Sports yabonye itike yo gukomeza mu cyiciro cya kabiri cy’imikino y’amajonjora mu mikino ya Afurika y’amakipe yitwaye neza iwayo “Total CAF (...)

APR FC yasezerewe na Zanaco FC mu mikino y’Afurika
APR FC yasezerewe na Zanaco FC mu mikino y’Afurika

APR FC 0-1 Zanaco FC Ikipe ya APR FC yasezerewe mu mikino y’Afurika y’amakipe yabaye aya mbere iwayo “Total CAF Champions League 2017” itsinzwe na Zanaco FC yo muri Zambia igitego 1-0 mu mikino (...)

Ibyo ukwiye kumenya ku Munyarwandakazi ushaka kwandikwa muri Guinness World Record
Ibyo ukwiye kumenya ku Munyarwandakazi ushaka kwandikwa muri Guinness World Record

Kuva kuri uyu Gatanu saa mbiri za mu gitondo, Uwamahoro Cathia, araba aharanira gukora bwa mbere umuhigo utarigeze ubaho kuva isi yaremwa, wo kwandikwa mu gitabo cy’abanyaduhigo nk’umukinnyi (...)

Umutoza wa Marines FC ati «Ntako bisa gutsinda Espoir  FC yakanze abantu»
Umutoza wa Marines FC ati «Ntako bisa gutsinda Espoir FC yakanze abantu»

Umutoza w’ikipe ya Marines FC, Nduhirabandi Abdoulkarim uzwi ku izina rya Coka aravuga ko yishimiye gutsinda ikipe ya Espoir FC yari imaze iminsi yitwara neza mu mikino ya shampiyona. Ni nyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.