2017-08-20 07:43:19 clouds 27o High | Kigali Rwanda

Dukurikire:
 
 

Volleyball: Nkurunziza weguye ku buyobozi agiye gusimbuzwa

Yanditswe na IMVAHO NSHYA

Kuya 2017-03-21 13:44:50

 
Share on:
 
Yasuwe:116
 
Yavuzweho:200
 
10
 
10

Nkurunziza Gustave wari uherutse kongera gutorerwa kuyobora ishyirahamwe ry’umukino wa Volleyball mu Rwanda “FRVB” muri manda ya kabiri yeguye nyuma y’ukwezi kumwe.

Ku mugoroba wo ku wa Mbere taliki 20 Werurwe 2017 nibwo Nkurunziza Gustave yashyikirije ibaruwa inteko rusange ya FRVB, abamenyesha ko yeguye ku buyobozi bw’iri shyirahamwe ku mpamvu ze bwite. Yashimiye abantu bose bafatanyije nawe ubwo yari ku buyobozi bw’iri shyirahamwe.

Nkurunziza yatowe taliki 4 Gashyantare 2017 atsinze Karekezi Léandre ku majwi 18 ku majwi 9, ni amatora byavuzwe ko yabayemo uburiganya bwaje gutuma Nkurunziza Gustave, umunyamabanga Nshingwabikorwa wa FRVB; Hatumimana Christian n’umubitsi Uwera Jeannette batabwa muri yombi bakekwagaho gutanga ruswa.

JPEG - 198.3 kb
Nkurunziza Gustave wari watorewe kuyobora FRVB indi myaka 4 yareguye

Aba bayobozi uko ari 3 baje kurekurwa taliki 2 Werurwe 2017 nyuma y’uko urukiko rw’ibanze rw’akarere ka Nyarugenge rubagize abere aho rwemeje ko nta bimenyetso bifatika byagaragajwe n’ubushinjacyaha. Mbere y’uko Nkurunziza yegura, Hatumimana Christian wari umunyamabanga nawe taliki 13 Werurwe 2017 yareguye atangaza ko yabonye akandi kazi.

Umuyobozi wa komite y’inama y’inteko rusange, Mutwarasibo Philbert yatangarije Imvaho Nshya ko bategereje Visi Perezida wa mbere, Kansiime Kagarama Julius uri muri Tunizia aho yajyanye n’ikipe ya UNIK VC kugira ngo bicare bategure inama y’inteko rusange idasanzwe yemeze italiki y’amatora y’uzasimbura Nkurunziza Gustave.

Nkurunziza Gustave wari wongeye gutorerwa kuyobora FRVB indi myaka 4 yageze ku buyobozi mu 2013.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE