Advertisement
 
 
 
 
 
 
 
 

Siporo | Siporo Mu Rwanda

Usengimana Danny yagaragaje aho agifite intege nke nubwo yitwara neza   

  Yanditswe na BIZIMANA ERIC
 4 months ago

 
 

Mu buzima busanzwe, buri wese agira icyo ashobora kuruta ibindi ndetse akanagira n’ikintu aba afitemo intege nke. Kwimenya bigufasha mu gufata ingamba zizagenga ubuzima bwawe.

Ni nako bimeze kuri Usengimana Danny, rutahizamu wa Police FC uyoboye abatsinze ibitego byinshi kugeza ku munsi wa 6 wa shampiyona aho afite ibitego 6.

Ibi yabigezeho ubwo yatsindaga ibitego bitatu mu mukino Police FC yatsinzemo Musanze FC ibitego 3-1 ku cyumweru taliki 27 Ugushyingo 2016 akaba ari inshuro ya kabiri atsinze ibitego 3 mu mukino kuva yagera muri Police FC.

Usengimana wabaye umukinnyi watsinze ibitego byinshi muri shampiyona ya 2015-2016 n’ibitego 16 anahuriyeho na Hakizimana Muhadjiri wakiniraga Mukura, yari yagejeje ku munsi wa gatandatu afite igitego kimwe, aza gutangira kuzamuka nyuma yo gutsinda ibitego 3 ku munsi wa munani ubwo Police FC yatsindaga AS Muhanga ibitego 5-1 asoza imikino ibanza agejeje ku bitego 8.

Uhereye kuri iyi mibare y’umwaka ushize, Usengimana ashobora kuzarenza bya bitego 16 aramutse akomereje ku muvuduko ariho. Aganira n’Imvaho Nshya mu kiganiro kihariye, Usengimana agaragaza ko intego ze ari ukurenza ibitego by’umwaka ushize, nubwo atavuga ariko umubare w’ ibitego we yifuza.

Ati “Intego yanjye ni ukwitwara neza nk’uko nabikoze ubushize, byashoboka nkaba nakongera kuba uwatsinze ibitego byinshi muri shampiyona”.

Usengimana ariko akagaragaza imbogamizi zo kutabona imipira ihagije n’ubwo bwose atava mu mukino nibura atabonye imipira itanu.

Hari icyo abona afitemo intege nke

Usengimana agaragaza ko nka rutahizamu agifite intege nke zo kubasha kugumana umupira, ikintu yifuza guhindura. Ati “Njyewe ku giti cyanjye, niyiziho kwiruka nkaba natsindisha umutwe. Utwo mbura ni utuntu duto tujyanye no kugumana umupira. Ibyo kugumana umupira bituruka ku mbaraga zo mu maguru n’izo mu maboko, ubu icyo ngiye gushyiramo ingufu ni ukuresha cyane izi ngingo ku buryo iyi shampiyona izajya kurangira narabigezeho”.

Uwahoze atoza Amavubu, Johnny Mckinstry akaba yarigeze gutangaza ko Usengimana ari rutahizamu ufite ubuhanga bwo kumenya guhagarara.

Ibanga rya Police FC muri iyi minsi

Uyu rutahizamu asanga kumenyerana aribyo birimo gutuma Police FC igera ku mwanya wa kabiri n’amanota 13. Ati "Twatangiye nabi tutitwara neza kuko harimo no kutamenyerana kw’ abakinnyi kuko harimo n’abashya. N’umutoza kuri ubu yamaze kubona ikipe ya 11 bahoraho."

 

Comments

 
 
Kwizera Olivier ni we nzaraga inkoni yanjye mu ikipe y’igihugu-Ndoli
Kwizera Olivier ni we nzaraga inkoni yanjye mu ikipe y’igihugu-Ndoli

Ndoli Jean Claude, umunyezamu wa AS Kigali n’ikipe y’igihugu “Amavubi” arahamya ko Kwizera Olivier ari we munyezamu yakwifuza kubona asigara mu izamu ry’ikipe y’igihugu “Amavubi” cyane ko abasigaye (...)

Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.