Advertisement
 
 
 
 
 
 
 
 

Siporo | Siporo Mu Rwanda

Umuyobozi wa Rayon Sports yahakanye ubwumvikane buke mu ikipe   

  Yanditswe na BIZIMANA ERIC
 5 months ago

 
 

Kimenyi Vedaste, umuyobozi w’umuryango wa Rayon Sports arahakana ko haba hari ubwumvikane buke hagati y’ubuyobozi bw’umuryango n’ubw’ikipe ya Rayon Sports.

Ni nyuma yo gusaba kwegura kwa Ange Claudine Musabende wari umunyamabanga Mukuru w’umuryango wa Rayon Sports, Habarugira Vital wari umubitsi na Rudasingwa Jean Marie Vianney wari Visi Perezida wa mbere ushinzwe imiyoborere.

Amakuru yavaga muri Rayon Sports avuga ko aba bayobozi beguye nyuma yo kutumvikana na Kimenyi Vedaste, umuyobozi w’umuryango, ku ngingo zirimo n’izo kweguza Gacinya Denys na Gakwaya bayoboye ikipe ya Rayon Sports bavuzweho amakosa mu kugurisha abakinnyi Diarra Ismael na Kasirye Davis muri DCMP y’i Kinshasa.

JPEG - 254 kb
Kimenyi Vedaste Umuyobozi w’umuryango wa Rayon sports

Aya makuru akavuga ko kandi Kimenyi yanze gusinya kuri iyi baruwa isezerera aba bayobozi ba Rayon Sports bivugwa ko batavugwa rumwe n’uruganda rwa Skol, ari narwo muterankunga, bikaba ari nayo mpamvu rutarabasha gusinya amasezerano mashya, rugasaba umuryango washaka uwo bagirana ibiganiro utari Gakwaya na Gacinya, aba beguye bahitamo ko Ivan Minnaert aza mu Rwanda gukora aka kazi k’ushinzwe ubuzima bwa Rayon Sports n’iby’amasoko akazajya avugana na Skol, birangira nabyo bidakunze.

Abajijwe kuri aya makuru, Kimenyi Vedaste, umuyobozi w’umuryango yavuze ko ari ibinyoma kuko bidashoboka ko haba ubwumvikane buke hagati y’umuryango n’ubuyobozi bw’ikipe.

Kimenyi ati ’’Ntabwo bishoboka. Ubuyobozi bw’ikipe bufite inshingano zo kuyiyobora no kuyiba hafi mu buzima bwa buri munsi n’ubuyobozi bw’umuryango bukagira inshingano zo kurebererera umuryango muri rusange. Rero nta na hamwe inshingano zigonganira ku buryo byateza ikibazo mu mikoranire. Buri rwego rufite icyo rushinzwe.’’

Kimenyi yasobanuye ko ikibazo cya Diarra na Kasirye cyamaze kurangira nyuma yo kubiganiraho na komite ngenzuzi.

Ku bijyanye no kwegura, Kimenyi yavuze kuvuga ko hari abeguye ko nta gikuba cyacitse .

Agira ati ’’Nta gikuba, umuryango ni mugari, hari igihe ubona ibyo usabwa gukora bitajyanye n’ubushobozi n’imbaraga ufite, ugaha n’abandi bafite imbaraga zisumbuyeho. Kandi aka kazi ni ubwitange , n’ubushobozi’’

 

Comments

 
 
Marines FC na Kiyovu zicunze nabi zaherekeza Pepiniere mu cyiciro cya kabiri
Marines FC na Kiyovu zicunze nabi zaherekeza Pepiniere mu cyiciro cya kabiri

Shampiyona y’umupira w’amaguru ya 2016-2017 isigaje imikino 8 ihwanye n’amanota 24 ku makipe yose. Rayon Sports ni yo ikomeje kuyobora urutonde ndetse irahabwa amahirwe menshi yo gutwara igikombe (...)

APR FC yongeye kubona amanota atatu
APR FC yongeye kubona amanota atatu

Ikipe ya APR FC yitwaye neza ku mukino w’umunsi wa 22 itsinda ikipe Etincelles FC ibitego 2-0 bya Bigirimana Issa na Nsabimana Aimable ikomeza gufata umwanya wa kabiri n’amanota 44 inyuma ya (...)

Abakinnyi 10 ba mbere batsinze ibitego byinshi mu bihugu bakomokamo
Abakinnyi 10 ba mbere batsinze ibitego byinshi mu bihugu bakomokamo

Cristiano Ronaldo ukinira Real Madrid n’ikipe y’igihugu ya Portugal yinjiye mu rutonde rw’abakinnyi bamaze gutsinda ibitego byinshi mu makipe y’ibihugu ku wa Kabiri w’icyumweru gishize taliki 28 (...)

Guhura na APR FC  iri mu bihe bibi ni ikibazo – Umutoza wa Etincelles FC
Guhura na APR FC iri mu bihe bibi ni ikibazo – Umutoza wa Etincelles FC

Umutoza w’ikipe ya Etincelles FC, Ruremesha Emmanuel aravuga ko gukina na APR FC iri mu bihe bibi ari ikibazo gikomeye. Ibi arabitangaza mbere yo kwakira APR FC mu mukino w’umunsi wa 22 wa (...)

Dusigaje byibura gutsinda imikino itandatu tugatwara igikombe-Masudi
Dusigaje byibura gutsinda imikino itandatu tugatwara igikombe-Masudi

Nyuma gutsinda Sunrise FC mu mukino w’ikirarane ibitego 3-1, Rayon Sports yakomeje kuyobora urutonde rwa shampiyona n’amanota 52 ishyiraho ikinyuranyo cy’amanota 11 hagati yayp na APR FC iri ku (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.