Advertisement
 
 
 
 
 
 
 
 

Siporo | Siporo Mu Rwanda

Umutoza wa Rayon Sports aracyizeye igikombe   

  Yanditswe na BUGINGO FIDELE
 June 2016

 
 

Nyuma y’imikino y’umunsi wa 29 wa shampiyona ari na wo ubanziriza uwa nyuma, umutoza w’ikipe ya Rayon Sports, Masudi Juma aratangaza ko agifite icyizere cyo kwegukana igikombe n’ubwo amahirwe bari bafite mbere yagabanutse.

Mu mikino y’umunsi wa 29, APR FC ya mbere ku rutonde yatsinze Marines FC igitego 1-0, Bugesera itsinda AS Muhanga ibitego 2-1, Kiyovu itera mpaga Gicumbi, Police FC itsinda AS Kigali ibitego 2-0, Sunrise inganya na Espoir FC igitegi 1-1, Musanze FC inganya na Rwamagana City FC 0-0 naho ikipe ya Rayon Sports itsinda Amagaju FC ibitego 6-0 byatsinzwe na Irambona Eric, Manishimwe Djabel, Bizimana Rahmatullah witsinze, Manzi Thierry, Davis Kasirye na Nshuti Xavio.

Iyi ntsinzi ya Rayon Sports ari nayo ibayeho ibonetsemo ibitego byinshi muri uyu mwaka wa shampiyona yaje nyuma y’iminsi abakinnyi banze gukora imyitozo kuko badahembwa ndetse iboneka nyuma y’imikino 3 ya shampiyona bari bamaze badatsinda.

JPEG - 130.3 kb
Masudi Juma utoza Rayon Sports aracyafite icyizere ko yakwegukana igikombe cya shampiyona

Nyuma y’umukino umutoza wa Rayon Sports yavuze ko impamvu batsize ibitego 6 bari banyotewe intsinzi kandi ko ibyo yari yabwiye abakinnyi babikoze.

Ati “Nabwiye abakinnyi nti twakinnye imikino 5 dutsinda ibitego 16 ukoze ijanisha ni ibitego 3 ku mukino kandi abakinnyi ni ba bandi”.

Kuba hari abakinnyi batabanje mu kibuga bari banzwe babanzamo nka Tubane, umunyezamu Bakame na Nshuti, umutoza Masudi yavuze ko byatewe n’uko yahinduye gusa abakinnyi nta kindi kibazo.

Avuga ku umunyezamu Bashunga Abouba wari amaze iminsi adakina yifuje kumukinisha kuko hari igihe Bakame yagira ikibazo bikaba ngombwa ko akina.

N’ubwo abakinnyi ba Rayon Sports byavuzwe ko bagiye mu kibuga bamaze guhabwa ukwezi kumwe k’umushahara muri 3 bafitiwe, umutoza Masudi yavuze ko Rayon Sports itunzwe n’intsinzi.

Ati “ Twanganyije imikino 3 ubukene burinjira igisubizo ni ugutsinda”.

Masudi aracyizeye igikombe

Kugeza ubu ikipe ya APR FC ni iyo ifite amahirwe yo kwegukana igikombe kuko ubu ifite amanota 67. Ikipe ya Rayon Sports ifite amanota 57 iri ku mwanya wa 2. Mu gihe APR FC isigaje umukino umwe, Rayon Sports ifite imikino 4 harimo imikino 3 y’ibirarane.

Iyi mikino ni uwa AS Muhanga, Kiyovu na Espoir FC izaba nyuma y’gikombe cy’Amahoro taliki 07 Nyakanga 2016 nyuma hakaba umukino usoza shampiyona izakina na Musanze FC taliki 16 Nyakanga 2016.

Umutoza Masudi yagize ati “Shampiyona ntirarangira tugomba guhangana kugeza ku munota wa nyuma, dusigaje imikino 4, APR FC ifite umwe mu minota 90 hashobora guhinduka byinshi. Gusa amahirwe twari dufite mbere n’ubu ntibingana”.

Rayon Sports itsinze iyi mikino y’ibirarane uko ari 3 yagira amanota 66 ikaba irushanwa inota rimwe na APR FC. Umukino usoza shampiyona, APR FC iramutse inganyije cyangwa igatsindwa na AS Kigali, Rayon Sports igatsinda Musanze FC yahita yegukana igikombe.

 

Comments

 
 
Umutoza wa Rayon Sports aracyafite icyizere cyo gusezerera Rivers United
Umutoza wa Rayon Sports aracyafite icyizere cyo gusezerera Rivers United

Tariki 22-04-2017: Rayon Sports-Rivers United (Amahoro-15h30) Umukino ubanza: Rivers United 2-0 Rayon Sports Ikipe ya Rayon Sports yatsinzwe umukino ubanza n’ikipe ya Rivers United yo muri (...)

Nibabona ntarakoze neza, bazansezerere-Seninga
Nibabona ntarakoze neza, bazansezerere-Seninga

Umutoza mukuru wa Police FC, Seninga Innocent aravuga ko yagerageje kwitwara neza mu mwaka umwe yahawe w’amasezerano muri iyi kipe. Uyu mutoza yari yahawe amasezerano y’umwaka umwe tariki 17 (...)

Tugiye gukina n’ikipe idatsindirwa iwayo ariko ntitugiye gutsindwa - Masudi
Tugiye gukina n’ikipe idatsindirwa iwayo ariko ntitugiye gutsindwa - Masudi

Taliki 16-04-2017: Rivers United-Rayon Sports (Port Harcourt -17h00) Ku ya 22-04-2017: Rayon Sports-Rivers United (Amahoro-15h30) Ikipe ya Rayon Sports irahaguruka mu Rwanda uyu munsi taliki (...)

Rayon Sports yitwaga ikipe y’Abatutsi - Murenzi
Rayon Sports yitwaga ikipe y’Abatutsi - Murenzi

Murenzi Cassim, umwe mu bahoze bakinira Rayon Sports mbere ya Jenoside akanakomeza kuyikurikiranira hafi aravuga ko ibikorwa by’ivanguramoko byageze mu mupira w’amaguru bikibasira bikomeye Abatutsi (...)

Hagiye gukorwa ubushakashatsi bwo kumenya ‘abasportifs’ bazize Jenoside
Hagiye gukorwa ubushakashatsi bwo kumenya ‘abasportifs’ bazize Jenoside

Komite Olempike y’u Rwanda ifatanyije na Minisiteri y’umuco na Siporo “MINISPOC” ndetse na Komisiyo yo kurwanya Jenoside “CNLG” barimo gutegura ubushakashatsi bwa gihanga bwo kumenya imyirondoro (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.